曾經，我係呢間公司做過。
唔單止做過，其實係10年全職嘅工作生涯都係晒呢度。
嗰時有個同事係基督徒，好幾次我哋傾偈，佢都話成日會諗‘’應唔應該係呢間公司做‘’，覺得自己幫緊人去賭錢，引誘人去賭錢，好有罪疚感。
我自己就無咁嘅想法嘅。
呢個世界，有無窮無盡咁多引誘；神賜比每個人都有一個獨立思想嘅腦袋，獨立的意志，每個人都係為自己嘅行為負責；而且嗰時我地係做人事部的，我覺得幫到好多失業嘅人揾到份工，都算係做緊好事。
令我覺得不安的，反而係呢的新聞。
1997 「順利九七」
2022 「快步速」
2023 「文明之光」、「大家開心」、「大師級」及「自勝者強」
2024 「團結一心」
2025 「自由島」
不安嘅原因係因為我嚟咗呢邊之後，接觸多了馬。
呢的全部係 rescue horse (拯救番嚟的馬）可能佢地以前係比賽馬（race horse) 或工作馬（work horse) 咁佢地老咗或受傷了，就會有好多人（例如我呢個鄰居）接收呢的馬，佢地無嘢做架，日日就係自己碌地沙，食草，然後又有我呢的咁無聊嘅鄰居，日日去餵蘋果紅蘿蔔，好疏芙架。
就係因為見過可以咁做，就梗加唔鍾意香港嗰的吓吓都毀滅咗佢。你賺咁多錢，又話做好多慈善工作，開個拯救中心+動物園（petting zoo)就唔洗次次都毀滅喇。
佢話‘人道’毀滅，根本一的都唔人道，你利用佢一生嚟揾錢，好應該比佢安享晚年，其實一切都係錢嘅問題，而唔係講到咁冠冕堂皇，唔想隻馬受苦，假道義，惺惺作態。
No comments:
Post a Comment