看到這文章，讓我想起我對這間戲院的一個另類回憶。
我同呢間戲院的幾秒緣份。
時間是介乎於1959同2024之間。
那年夏天，拍拖一年的小男友剛從美國回來放暑假。
是真的，年紀比我小五年的男友。
所以，佢仲係讀緊書而我已工作幾年了。
社畜工作情況人人都知係點嘅，一至五全天候返工，難得星期六日可以瞓晏啲補眠。
那天，有著 fashionablely late （慣性遲到）特色的我😁，約了小男友去呢到睇戲。佢住黃埔，我住荃灣，我未去過呢間戲院，唔知🧐出咗地鐵站仲要行一段路先到。
喜愛準時😵💫的處女座男友，見我咁抆水先到地鐵站，已經開始黑面了😡，連趕帶跑行去戲院的路上，我（心入面）仲咿咿哦哦話洗唔洗咁趕呀？睇2.30的場，嗰時大約2點？或2.10分，行到去剛好啦（！！！）
到了，入場。然後都未坐低，男友氣沖沖的走了😳😵💫😩！！我跟住出嚟，一邊行一邊吵架咁樣，先發現我倆對準時開場的定義大不同。
佢喺睇2.30場，最好2點就已經買埋爆谷，喺入面坐定定等睇trailer（預告片）的人。而我，好明顯就係2.30就係2.30囉，我覺得唔睇trailer無問題喎，唔洗死呱！但係對佢嚟講係天大問題，個天跌咗落嚟咁大件事。
嗰日，我地一路咁樣吵架+冷戰，由油麻地一齊漫無目的咁行到去尖沙咀（？？）當然中間仲有一啲小情侶哭閙嘅情形。其實我都唔知點解要死跟住佢？但我個心又唔忿氣喎，無trailer睇真係咁緊要？要暰咗兩張飛即走？要去到吵大鑊咁誇？
唔洗問阿貴，呢段感情兩年都捱唔住就玩完了！減去中間佢係美國讀書的時間，我地實際一齊相處的時間少之又少。有啲人會話，咁短嘅感情，又唔係‘真嘅’一齊好耐，有幾傷呀？
呢段係我第一次認真拍拖的感情，所以，我覺得好傷呀！之後五年都沒有談情說愛。這個回憶，也要等到依家25年之後，先可以當笑話咁樣回想！
在分手7年之後，曾經有一個機會比我見到佢，我以為自己已經可以當無嘢咁樣面對佢。我先係見到佢個背影，個心跳到好似要係個口到跳出嚟；跟住到面對面嗰一刻，我喺不由自主咁樣喊咗出嚟，係不受控制，也停不了（當時仲有其他唔識的人在旁，所以我係好努力的想忍住唔喊架）係嗰個揪心的感覺，嗱住嗱住，嗰次見面就係咁樣一句說話都無就完了，只可以擰轉頭就走。我自己都很驚訝，原來這段感情是這麼的深。
之後，我就離開香港，去了美國。早年，搬過屋幾次，翻開以往的信件來閱讀，每次都睇到淚流滿面。
後來這邊的生活漸入軌道，就是工作和家庭主婦的日常，縱使我自覺生活非常美滿（很多謝神給我安排一個對的人，也是處女座🤪🤪），奇怪的是，久不久，呢個人就會在夢中出現（也不是特別日子，也沒有在日間想起佢），每一次，都是喊醒的，就是在夢中醒來，摸一摸自己塊面，真係有眼淚流緊。
直到六年前，我開始有靜思的習慣，你可以叫冥想打座whatever，又一次佢係夢入面出現而喊，於是我係靜思的時候，同自己講，我要係呢段記憶中走出來，我要自己從這段感情入面解脱，這段感情入面的痛苦回憶，我要一一放開，就係咁樣，嗰次就係我最後一次夢見佢。
2000 0716 ：這25年你過得怎樣呢？
No comments:
Post a Comment