同我咁上下年紀的人，對呢的相一定好熟識，呢的就係八九十年代睇新聞成日會播嘅台灣立委 或 立法院打交的場面。
個時香港嘅政治環境，"表面睇嚟"成熟過佢地好多，全部攪政治嘅都係官仔骨骨，好有文化咁樣樣，所以當時香港有睇呢的新聞嘅，都笑人地鄉下佬一脚牛屎，唔出得大場面，去到呢的咁"神性"嘅地方都唔能夠文明的討論，而係攪到講唔埋欄就出拳頭。
而家睇番，同星加坡笑香港 monkey see monkey do 又有乜分別。
至少人地有得打。
我地打交嘅機會都無。
原來呢的就係真嘅民主進程，打打吓依家人地總統都係全民選出嚟嘅，我地？仲係野蠻人時代。
係 480BC 波斯攻打希臘，有一場戰役叫做温泉關戰役。Battle of Thermopylae
對陣雙方分別係 Xerxes I, King of Persia 波斯國皇薛西斯一世 及 Leonidas I, King of Greek city - state Sparta 希臘城市斯巴達的利奧尼達斯一世。
呢場仗一開始就係死路一條，因為抵抗的希臘斯巴達人 (Spartan) 得7000個，但係入侵的波斯人有成百萬大軍。
不過跟據希臘歷史書嘅記載，呢場戰役係非常重要，因為斯巴達人係温泉關呢到拖延咗波斯軍3日，比到希臘人珍貴的時間係城入面部處，最後希臘係打走咗波斯的入侵。
究竟7000人點樣可以拖延百萬大軍3日？
第一樣就係地點。利奧尼達斯一世選了沿岸的一個沙灘對陣，一邊就係海，另一邊就係懸崖，呢個地點令到波斯人唔可以揮軍百萬同時入城，而係入咗個樽頸位，同一時間只會有一排50人對陣。
另一樣就係武器，當時斯巴達人的陣式 (好密的一排排) 同武器 (前排有盾 + 後排有長矛係士兵與士兵之間嘅空隙刺出作攻擊) 非常有利於近距離戰鬥，而波斯人一入咗呢個樽頸就只係捱打。
不過最重要嘅係士兵。斯巴達人 (Spartan) 係希臘入面最有勢力嘅一族人，所有希臘人都怕佢地嘅軍隊，強大勢力嘅背後就係因斯巴達人係由細訓練到大的超級士兵。所有男生由7歲開始訓練到成年就做士兵。訓練包括拳擊，搏擊，游泳，擲長矛，擲鐵餅，總之每一個都係戰鬥機器。
而呢個戰役最出名嘅就係 molon labe 呢句係希臘話 "come and take them" 嘅意思。呢句說話係波斯領軍叫斯巴達人放低武器投降嘅時候，利奧尼達斯一世嘅回應。
依家同中共民賤聯野蠻人咁樣霸佔咗個立法會，同大舉入侵香港跟本毫無分別。
我可以講嘅就係 molon labe.
No comments:
Post a Comment