解藥

2020.4.15

一路都對"小杜"呢個人無好感。

我唔係呢個國家嘅人，就無謂對呢個國家嘅事多多口水 (雖然我地都係到住咗3年，仲有幾年會係到) 但係我地嚟嗰年就係侵侵上台嗰陣，呢到的人好鬼煩，自己國家嘅野唔理，知道我地係隔離搬過嚟嘅，不停係我地面前大力發表偉論！！！老中青如是，我心諗，你又無份投，嘈乜啫？

所以我嗰陣就學會反問，咁你地個小杜又點呢？

出奇地，我遇著的都唔鐘意佢架，覺得佢無能，乜都無做到，淨係識同 BB 錫錫 (baby hugger,  親民的公關影像) ，同埋大麻合法，好多都話佢阿爸(老杜) 做得好過佢好多 (老杜係在位最長的PM)

Anyway,  其實佢依家咁做係想買解藥？

你又知佢會比真的解藥比你？

究竟要比人呃幾多次先會醒？

我對佢無好感，其實係源自馬英狗的教訓。當年的人睇咗好多年阿叔阿伯做政治領袖，突然間見到嗰好樣的，覺得好清新，就投咗比佢，點知最後發覺係得嗰樣 (依家咪又係投共！)  跟住台灣人轉軚投務實型做到野嘅柯P (點知依家又發現係有一隻脚投共的！)

小杜同浪漫馬卡龍都係得嗰睇字，反而最近一篇文我都好同意
福布斯話抗疫表現最好的國家都有一個共通點，就係女領袖。我反而唔著重佢男定女，不過呢幾個領袖除咗德國大嬸好出名之外，其餘的都係務實型，開國際大會都唔會好似小杜馬卡龍咁樣社交蝴蝶(social butterfly) 滿場飛。

當然，佢地唔係超級大國，去到G20 都未必會有記者留意，所以我見到下面呢單新聞時，就梗加覺得小杜係不入流的領袖。
你話我老一輩都好啦，出到大場合咁做，只係唔專重自己。

然後又見到連星洲國母都係咁，好心唔識用 social media 就唔好用啦，你用新聞公告無問題架或者請公關做都得架，人地國家"捐"口罩比你國家，就算你係睥視都留番夜晚同你老公告枕頭狀囉，究竟佢明唔明一㩒咗'post'就返唔到轉頭呢？
其實佢地明唔明，做得佢地個位，佢已經唔再係淨係代表佢自己架？