中銀都蝕到攤攤腰，所以囉咪係咁進攻立法會，
最好一炮過攞晒香港庫房的錢去填氹。
當然依家咁嘅時勢，就係謠言滿天飛，邊個係到操盆 (美國？) ，邊個係到㩒底油價(布甸狗？) ，點解要㩒(布甸決水想吐現，仲話佢想用歐羅結算 / 布甸狗同中東鬥過你死我活！) 都係得個聽字。
Anyway, 我呢的人，從來未'認真'買過股票，嚟美國之前，香港興起抽 IPO 我都抽過，好明顯就係有親戚朋友比個冧把 (人人都有一個咁嘅親戚) ，阿爸阿媽排隊去攞表，你又填我又填一齊抽咁樣。股票呢樣野，係一日未到你成功賣出，都唔知結果係賺定蝕嘅，最後就係過晒比阿媽 (因為過來了，費事煩) 好似最後賣晒夠飲餐茶咁囉。
我呢的人，就係懶，唔會發達嘅。幾百年如一日，放錢係銀行就係我地嘅儲錢方法，買咗股票，就會日日望住佢個價，佢一跌，心血少的就會驚又想放，日日咁樣擔驚受怕唔化算。做唔到大鱷，就唔好入去做小魚比人食啦！企埋一二邊食吓花生算啦。
再加上我地無小朋友，依家隔離在家更加證明了，兩個人洗得幾多錢？所以我唔多同意嗰的理財專家話要點樣跑贏通貨膨脹，淨係擺係銀行係蝕水架 blah blah blah 今日唔知聽日事，你又唔係先知，再嚟一個大蕭條全世界打回原形也不定呢！
我最記得嘅股票事件就係雷曼兄弟，嗰時新聞就係好多苦主買咗 accumulator (又名 I kill you later) 累股證 (槓桿式累算遠期投資計劃) 之後嘅新聞就長期不停 loop 一句 "基金價格可升可跌" 但係好明顯大家都係乜都學唔到嘅。
當年我地全家無人係股票人，不過，嗰時得大佬結咗婚搬咗出去住，我地成家一齊住嘅私樓都跌價好多，不過以我的理解，係我地如果要嗰時賣出去就會蝕到仆倒，但我地成家人一齊供一齊住，佢係升係跌，都係好虛無漂眇嘅野，然後就咁樣20年就過去了。
No comments:
Post a Comment