歌神71歲仲會出嚟，為咗通利琴行員工做野，已經係天大嘅好事，點解仲要歸畫佢係 黃定藍？依家咁嘅時勢，乜你見到有第二個人出嚟做任何野咩？
無論佢係 nancy 定係其他，佢首先係一個對廣東話歌曲非常有歷史性/建設性嘅歌手，柒婆係都要攝石人咁樣抽水，都不能抹去歌神過往的貢獻。
講真，歌係好聽就自然會有人聽架啦，特登因為 nancy or not 而唔去聽，同共產党要你聽到中共國歌一定要喊，其實都係一樣咁'反'身體天然反應。
蘇永康 假使有日能忘記
呢首1995年出好 hit 嘅歌，曾經係我第一次分手嗰時日日 loop 住咁嚟聽嘅，依家mp3 入面仲有架，但係總之就係無 feel 囉。次次 loop 咗出嚟就會 skip 佢。有無可能係因為佢嘅取態？總之就係 loop 到出嚟嗰刻嘅感覺都唔想聽佢囉。
容祖兒 心淡
容祖兒 爭氣
第二個男友(最終分手的) 好鐘意呢個女歌星，曾經鬥氣的覺得因為男友鐘意佢所以我唔(可以) 鐘意佢，無奈佢的情歌真係句句到肉，所以有一年每日返放工嗰一個鐘車程都全程 loop 佢的歌。
近年，人大了，唔再聽情歌，就是無感覺了，而且聽呢邊嘅歌多咗，口味都變了。
Eric Church - Give me back my hometown
Tenille Townes - Jersey on the wall
依家聽嘅歌，有少少比肥鬼影響，因為佢鐘意 country music 所以係車嘅收音機通常都係呢個頻道，有日比我發現呢首歌，一聽就喊。
The Marmalade - Reflections of my life
香港人多數識，因為 Blue Jeans 樂隊改編呢首歌叫藍戰士。2019年到依家聽咗呢首好多次。幾時先到香港革命成功？
No comments:
Post a Comment