咁都有得拗一餐

以前係香港，完全無諗過原來呢樣野都可以拗一餐。

因為我細個嗰時，呢樣物件同依家呢樣物件嘅樣子係好大分別嘅。

我細個時，佢係咁樣架 ->

Yes!!! 就係厠紙！！！

我細個時的厠紙係咁樣正方形一大舊嘅，

仲要好似衛生巾咁樣 - 屬於超薄形透光的。

通常阿媽係膠袋旁邊鎅開個口，

要攞厠紙用嗰時就要吹氣等佢分開的，

咁先睇到佢係一張一張咁樣疊埋(通常痴到好埋的) 

(因為好薄) 每次潛三張出嚟對摺咁嚟用嘅。

如果係膠袋面頭正中剪開咁樣潛出嚟用，

會一潛就成疊走出嚟。

真係有用過呢款厠紙嘅人，

年紀都一定有番咁上下，哈哈！

 依家，佢變咗樣，好似整容前後咁 -> 由一張張變咗一卷卷

咁佢地拗乜野呢？

就係擺法。原來厠紙向出面 (over) (B)  同 向入面 (under) (A)  嘅擺法，呢到的人都可以拗一餐。
例如肥鬼就係厠紙要向外嘅。
我就係無所謂嘅 (總之有厠紙就得啦！) 

向外面的 (over) 

向入面的 (under) 

其實都唔可以話係拗交。

因為一般共識都係話向外擺的先至啱，

向入面擺的就係唔啱！

有人就搬咗厠紙呢個發明，係 1891 註冊商標時嘅圖畫出嚟做總結，總之就係話向外面嘅先啱。

最下面的擺法，係街邊公厠見得最多。

然後拗下拗下，
的人又好認真咁列出佢地嘅論據。

例如呢個就話向外面的擺法，就能夠好順手咁樣，用單手由右至左的搣幾格厠紙嚟用。

(我又好認真的上當了，去攞卷厠紙嚟睇吓，發覺依家的厠紙全部都係機器切割，每格厠紙嗰條線都係左右好平均的，無話右邊易搣過左邊) 

之後另一個認真的研究，主要分析向出面或向入面的好處。

向出面嘅好處：

1/易攞的 2/距離幅牆遠的 (牆上細菌無咁易過咗去厠紙到)  3/ 快的容易的睇到拉咗幾多格出嚟

向入面嘅好處： 

1/係地震嘅時候 或 係旅行車上面嘅時候，唔會因為地面或車上嘅震動而成卷碌晒出嚟

2/ 無咁容易比屋企嘅動物碌晒卷厠紙出嚟

3/ 半天吊嘅厠紙向咗入面睇落整齊的 (因為無人得閒係屋企都好似酒店咁樣同你摺三角形)

睇完晒正反雙方嘅辯論之後，我想話呢，如果覺得靠牆咁擺會因為幅牆好多細菌而污漕，咁向外擺就更加近個厠所，的人又無關上厠所蓋先沖水嘅習慣，一沖水的菌噴晒出嚟，咁咪仲多細菌降落係張厠紙到？

仲有個更大嘅問題，唔知大家有無發覺/試過，依家出街去公厠，因為公厠用嗰的係超大卷厠紙 (industrial size 工業用級數) ，得一層仲要機器壓到好實的，有的人無手尾，唔係拉厠紙出嚟先搣厠紙 (咁就會有幾格吊住喺到，你繼續拉出嚟就可以) ，攪到唔見咗個厠紙頭 (因為真係壓到好實) 我試過不停左碌右碌，都碌唔到個厠紙頭出嚟！

而為咗大家唔洗再爭拗厠紙點擺嘅問題，依家有一個更好的解決方法：

用呢卷野至少一頭半個月先要換一次都幾好。。。