(習慣！就係要有的聲音，整杯咖啡比自己真的醒神一吓！)
前幾朝都係睇 It's me or the dog (係美國沒有播呢呢個好耐了) 呢套係10年前嚟美國嗰時日日睇嘅。
我沒養狗，只係入面嗰狗狗訓練員 Victoria Stilwell 佢嘅英文非常之好聽，不快不慢，每個字都好清晰，嗰時就係靠睇呢個嚟訓練自己嘅聆聽能力同講英文嘅能力 (好簡單，就係好似鸚鵡咁樣，跟足佢講野嘅語氣/速度，佢講一句，你照講一句。)
明明係想跟足佢學番的 british accent (英式口音) 但係跟咗肥鬼10年，比佢的美式英文同化咗我 lu...
今朝可能因為係星期日，揾唔到狗狗訓練，咁啱得咁橋，睇咗呢套
都唔知佢係乜戲，但係見到呢個景，即刻醒晒，坐定定睇吓
哈哈哈，邊個會估到老遠嚟到呢到，能夠見番嗰時香港街頭個景象。。。
我覺得cctbb 死都唔肯重播嗰的香港8幾 香港9幾嘅舊劇，錢只係其中一個原因，另一個原因係播呢的舊劇，比依家的香港人睇到以前嘅香港係幾咁好，其實係絕對可以燃燒起大家心裏面嘅一團火，想要將香港攪番好。
呢套戲嘅播影日期係93年9月12日
就咁睇佢應該係用美國唐人街街景
加當時的香港街景穿插
而嗰的街景應該有的舊
因為93年我中學畢業
以我印象係已經轉晒紅黃色巴士
應該無呢的白色巴士係街上面
故事係講 Jessica (左) 接受 Emma (右) 嘅邀請嚟香港玩，一到步去某間舖頭睇玉器，Emma 就被標心了。Emma 老公好快比錢之後即日就放咗Emma (佢仲可以返屋企小睡一會，之後晚上一齊去睇女兒表演！)
戲入面 Emma 係陶瓷大師，佢老公 Brian 掌管一間百年歷史嘅時裝公司，當時97快到，佢地想同一間中國公司合併以期望順利過渡97 係公司週年晚宴上 Brian 被落毒謀殺了。
係合併公司做嘅？同 Emma 標心有無關係？
公司週年晚宴，每年例牌要食皮蛋！！！
戲入面叫皮蛋做 centry egg (有人釋做 thousand year egg) 公司食皮蛋呢個習慣，就係攞佢寓意公司可以做成百年。
呢兩個景都好鬼真，攪到我真以為佢地嚟咗香港拍。
No comments:
Post a Comment