並不是 xx 牌字的煲，xx 牌字的機，
只係好簡單的一個切片嘅野。
嗰的唔係血，係剛批完蕃薯
全因為想健康的，自己焗薯片，而用刀切，我又無咁好刀功，切得唔夠薄。
呢個唔係流嘢嚟架，係德國製造嘅。
德國製造品質好係人都知，所以呢個嘢好利，我知，因為我的手指試過了。。。
人地話 "paper cut, hurts like a bitch" ，我就話咁樣批咗薄薄地表面的一層皮仲衰。每次濕咗都好鬼"乸" 。
膠布嗰度成忽皮批了。
洗碗都仲可以戴手套，沖涼就真係好難攪。
而每次整到右手受傷，痛都係其次，最難攪係呢幾日你要靠你隻左手做野。
有無發覺突然間要用左手刷牙？超級唔就手。
係個口到撩嚟撩去都覺得刷唔中嗰位。
用左手係自己塊面到搽lotion，感覺就好似你自己兩隻手都比人縛起咗咁樣，另一個人用佢隻手幫你搽。
仲要咁啱今日要洗頭。點攪？
突然間覺得自己隻左手好 handicapped...
No comments:
Post a Comment