要忍，先最難。
我有個奇怪嘅癖好，買所有碗碟，我鐘意買一對對的，而且鐘意雙數。
一套5隻嗰的我會唔買。偏偏屋企有個同我時辰八字唔係好啱啞嘅人。
好似下面對碗，一藍一紅，我好鐘意嘅，一向小心使用，佢偏要唔小心打爛其中一隻。
呢邊係用洗碗碟機嘅，我地又無小朋友，打爛嘢嘅機會真係微乎其微。
我用洗碗碟機，放碗碟入去嗰時，習慣所有野都有一個特定位置。
我已經放好晒其他嘢，淨係得番兩個空位，叫肥鬼放兩隻碟入去，佢就係都要執過你的野，就係咁，我自己的一時偷懶，換來了打爛嘢嘅聲音。
兩個人生活習慣的不同，真係一大難題。
肥鬼佢有少少潔癖，鐘意半滿就開機 (所有空位要隔位放碗碟入去)
我覺得咁樣好浪費水電，人地個設計係咁，所以我係每隔擺滿先開機。
佢都知我好鐘意呢對碗，因為一打爛嗰時，佢即刻解釋，
話係唔知點解隻碗"線"手，跌咗，佢自己都講話 "its your nice bowl!!! "
嗰一刻，我真係喺個心嗰到 xyz$-] %: _*(<$: 出齊
心諗：唉！真係好日都唔叫你做野，你一嚟就打爛我鐘意嗰隻碗！係咪玩嘢呀！
然後自己係心嗰到，哦咗幾次：食嘢唔做野，做野打爛嘢！
我有咁多隻"唔鐘意嘅"碗碟，你唔同我打爛佢等我可以買新嘅，偏偏係要打爛呢隻！
但係，都打爛咗喇，可以點？
的物件製造出嚟，就係比人使用呀。
我已經盡了棉力去好好用佢，打爛都無法止呀。
有時我想，係唔係真的我好喜愛呢對碗，所以比佢打爛咗而覺得唔開心？
定係，因為比佢打爛咗，我先至特別喜愛呢隻碗而感不捨？
Anyway 去到依家，我覺得應該要好好的，
再落多幾錢功夫，去學習不要對物件有太深的感情。
上面講佢同我時辰唔夾。。。
係有歷史跟據架
呢隻碟，一套四隻，買番嚟第二日佢就打爛一隻！
所以依家得番3隻，而我偏偏最憎食飯用唔同碟！！！
點解佢唔打爛零丁的第三隻碟呢�
有留心睇 headline (標題)，都知係錯嘅。
啱嘅嗰句係 "食嘢唔做嘢，做嘢打爛嘢"
我個兒甥女 (niece = 姐姐的女兒) 佢細個，執人口水尾，記得我地講過呢句說話，
有一日，阿公打爛嘢，佢就即刻講咗呢句諺語出嚟，不過佢攪錯咗次序，就變咗
"唔食嘢，做嘢，打爛嘢"
我地聽到捧腹大笑，一來係驚訝幾歲嘅細路，唔聲唔聲咁，學埋好多大人講嘅野，
同埋最攪笑嘅係 "唔食嘢，做嘢" 係好嘢嚟架喎！！！
如果真係有人唔食嘢做嘢，佢打爛嘢你都唔好意思鬧喇。
又，另外，上面講，兩個人的生活習慣問題。
我老爸老媽就係例子了。
我媽係所有碗碟要排例整齊，同我一樣，有的OCD (強迫症)
而肥鬼同我爸一樣，都係男人，所以就係總之，放晒入碗櫃就算數。
我爸媽到依家有時還會為了這樣的事而咀角。
而我的辦法是：要就自己做晒佢。唔係的話就不要批評。
我覺得兩個人生活，你一定要"相信"，對方已經盡了能力，做到你要求的最好。
做唔做到係另一回事。
每人都有自己做野的方法，正如肥鬼都唔鐘意我執滿嗰洗碗碟機架，
但係無辦法呀，要跟佢方法嘅講就佢做架喇！
又再再，講 OCD 強迫症問題。
其實人人都會有少少，
例如：有的人係點都唔會，係個罐或樽嗰度直接飲野嘅，係都要倒落杯先飲嘅。
又有的人食嘢，係點都唔食白醬嘅 (e.g.蘑菇忌廉) ，淨係食紅醬。
呢的類似生活習慣或飲食習慣，其實都係好輕微嘅強迫症症狀。
我呢，除咗上面講買碗碟要一對對同買雙數，
我仲要買的可以疊起嘅 (呢邊住嘅空間大的，好多碗係不能疊起嘅)
同埋我的杯，一定係直身嘅 (highball) ，可以一隻痴住一隻咁擺，
(呢邊用嘅飲水杯，係 tumbler 闊口窄脚 )
最好全部野都係方形嘅，方形碗，方形碟，方形杯。。。
仲有全部都係藍色或白色。。。
哈哈哈哈 真係好變態！！！
No comments:
Post a Comment