我就無影到呢個奇景喎。。。
不過咁啱呢，6月19日係父親節，我地去咗肥鬼爸屋企hang-out到黃昏先返歸。
(Hang-out 呢，即係我地講嘅 hea 咁上下囉。就好似話 Hey, why dont you come hang-out this Sunday = 喂！星期日無野做不如就過嚟坐吓啦)
係夏天，呢邊日照去到成8:30都仲好光架。
嗰晚我地9點幾先走，都仲係啱啱開始暗，比我影到大大的月亮。
黃昏揸車，遇著好天氣，加上好運，嗰晚係回家路上見到一共14隻鹿呀。。。
(但係一隻都影唔到！)
我地中國人有農歷，佢呢邊都有，叫做Farmers' Almanac (其實都可以叫農歷，哈)
咁呢，月歷就話6月20日係月圓之日，咁啱係Farmers' Almanac仲話呢日係夏至(first day of summer)，即係呢，呢日嘅日照係最長嘅。
我個日就放假係屋企，都無理到佢日照長或短，更加無睇到報道講士多啤梨月呢回事，不過呢，咁啱肥鬼放工嗰陣就打比我，叫我去睇吓出面個天空。。。
奇！奇！奇！
唔係打風，唔係落雨，但係個天不停閃電，好似幻彩香江嚟咗呢到咁樣。。。
肥鬼話呢個現象叫做Heat Lightning
(http://farmersalmanac.com/weather/2009/08/03/what-is-heat-lightning/)
(https://en.wikipedia.org/wiki/Heat_lightning)
簡單講呢，就係好遠嘅地方打風行雷閃電，反影到嚟我呢邊，就淨係見到閃電，無聲嘅。
而呢個現象呢，係要適當熱度同濕度都有，先至會出現架，所以叫Heat Lightning，因為係熱天先會見到架。。。
咁係我忙住睇閃電Show嘅同一時侯，我就見到個大大的士多啤梨月亮，因為的濕度同閃電，整到成個天空又光，又橙紅色。。。
哈哈，真係好彩，咁啱撞上Heat Lightning，我都係第二日睇的新聞，先知自己尋晚睇到千年難得一見奇景。
No comments:
Post a Comment