躲賴的原因 － 我終於登陸了！！！Yeah!!!在2月28日，我終於登陸了地球的另一邊 － 米國汽車工業城市，而且，係呢兩個月之內，除了由香港去咗第二個地方，我仲去埋人生的另一個國度。。。
好，講番登陸的經過先。。。 。。。
晨吉咁早起身就一定架啦，但係要轉兩次機，都係第一次，無法啦，張機票唔係我訂架，算啦！其中兩程upgrade 咗，都係一個新嘅經歷。。。但最後要經過差不多一整日，轉了兩次機。。。先至終於安全抵埗。。。
第一轉 － 香港->三潘市，因為係國際線，所以upgrade唔度，坐番普通位，但係都好啦，只係12個鐘，如果坐第二條線(香港->芝加哥)要屈係機入面成15個鐘架，真係死得囉！
本來我係坐窗口嘅，但坐係路邊嘅先生好似一尊佛咁 － 唔郁嘅！！！所以我個肥鬼坐咗半程之後就頂唔住，要同我調位坐。。。點調？就係我企起身（企係個位度），佢坐過嚟，我再企過去佢個位度。。。大家唔洗驚，通常坐咁耐嘅機，我地都除咗鞋lu。。。應該都無整污漕的位嘅。。。
我不嬲都對飛機餐無其望嘅，都係一餐唶，求其啦，只係等時間過，所以，無失望！
呢個係晚餐 －＞
呢個係早餐 －＞
捱咗好耐，終於都到了第一站！！！三藩市。。。。我知道有好多blog友都係呢邊住，呢個三藩市機場對你地應該唔陌生，但我就係第一次渣。。。
嗱。。。我以後，就係要跟住呢位仁兄過活啦。。。你睇佢係處四圍望，梗係以為佢係我前面衝鋒陷陣開路咁啦。。。。
錯啦！！！！佢係度好趕咁搵廁所。。。。哈哈
下一程，係1045hrs去芝加哥嘅。。。我地到三藩市都只係朝早八點幾之麻。。。
因為要等成兩個幾鐘，又傻咗咁以為內陸機會無飯食，咁梗係要搵野食，醫吓個肚啦，但係機場入面的野食鬼咁貴，真係乜胃口都冇晒。。。行咗幾轉，終於用我銀包入面，上次過嚟用剩嘅散銀買咗呢杯雪糕。。。。
呢杯雪糕好有記念價值架！？！？！？點解？？？因為係用〔廣東話〕買嘅！！！話說，我行到埋去櫃位嘅時侯，好專心咁係度"格價"(其實係係度心算緊美金同港弊)，突然間，係我耳仔傳來廣東話的聲音，我四圍望吓。。。我發現原來就係呢個雪糕櫃位嗰兩位阿叔同大嬸係度對話。。。。所以我二話不說，即刻用我的〔母語〕嚟買咗呢杯雪糕。。。。
我地就係坐係呢度，望住個咁靚嘅機場景，嘆咗杯雪糕。。。
然後，又夠鐘屈番上架機度。。。
用咗幾萬"milage"，換嚟我人生的第一次 － 坐2A位(我廢事好似董太咁俾人唱，所以都係坐2A好囉)
呢個就係三藩市的鳥瞰。。。你睇，無雪架！！！
坐2B嘅肥鬼，都係一臉無耐，因為雖然個位係闊咗，但都係坐到屁股都”便”咗。。
原來，內陸機 － 都有野食嘅， 一開始就飲杯先囉。。。
然後食個餅。。。
然後就食飯。。。其實，除咗係有碗有碟之外，都無乜分別囉。。。都無得"tim"嘅。。。
幾個鐘之後，咪嚟咗呢個有雪嘅地方囉。。。
久仰大名的芝加哥機場
No comments:
Post a Comment