回望過去 展望將來

歷史都是不斷重演的。
新一年，人人都在寫 2018 大事回顧。
我都係到回顧，不過，要睇就要睇遠的。

所以我睇緊 1916.7.13 星期四 嘅報紙。

其實係返咗嚟肥鬼阿媽屋企過聖誕，因為返嚟成個月，終於決定的起心肝整佢地嗰 family tree

係呢張報紙右上角嘅一單新聞，講一個比雷劈中死咗嘅 13歲男仔 Leo (1903-1916) ，佢係肥鬼嘅太公 (great-grand father) 嘅細佬。

而肥鬼嘅太公 (Noble) 因為弟弟意外死亡而非常傷心，所以即刻走咗去參軍，嗰年佢只得14歲，啱啱小學畢業 (8th grade) 不過生得大隻，順利比佢去到軍營訓練，不過無耐之後就比人發現佢唔夠秤將佢擲返屋企 (參軍年齡係16歲) 。

過了兩年足16歲又去考過，跟住就去咗歐洲打第一次世界大戰。打完仗順到娶埋個老婆返嚟，太婆 (great-grand mother)  Helena 係口述資料都話係比利時 Belgium 人，話係一個兩地邊境中間地方出世，只係知道佢一生都好憎恨德軍摧毀咗佢嘅家鄉。

因為係戰亂時嚟呢到嘅，所以無乜佢嘅資料留落嚟，淨係得呢一張咭仔。

係呢邊出席喪禮，會有一張咭仔 (funeral card) 如果有留低嘅話，對於查番先人的出生日期等等資料好有用。

呢張咭仔，跟據口述歷史，係太婆 Helena 嘅屋企人係 1972年寄過嚟嘅，話係德文，無人識佢乜春，就等我上去 goo gle 吓啦！發現原來係 荷蘭語 Dutch!!!!

突然之間咁有興趣攪呢攪路，係因為早前肥鬼做咗佢個 dna 測試，大部份源頭都吻合嘅，唯獨是發現了有 10% 係我地揾嚟揾去唔知邊到走出嚟嘅。。。

襯依家仲有一腔熱血就即管揾揾資料睇吓有無答案。已經揾到第七代的名但係未揾到生死日期。第六代的先人係1844年出世的。還有一個太嫲係1878年的信。能夠親手摸到信紙，睇到成百年前的筆跡覺得好神奇。