收音機

咁啱發現到香港電台有 "廣播道開咪" 呢個節目，揾嚟睇吓，可以回憶番細個聽收音機嘅生活片斷。

其實之前都講過，依家的聽歌 app 成日標榜唔洗聽廣告之餘，就係佢只會播你鐘意嘅歌比你聽。

同聽收音機唔同，以前係DJ播乜你就聽乜，咁樣可以聽到好多新歌，可以認識好多唔同類型嘅音樂。

仲有就係以前可以 "點歌" 依家完全無呢回事了。其實，一隻碟入面，總會有的歌你"漏"咗，可能係每次未過 intro 你已經唔鐘意就飛過咗佢，其實佢係好聽嘅，直有人點歌，你先重新發現佢。

<<< >>>

其實對於收音機，想講嘅係下面呢個故事。

以前係香港最大的動物比賽公司嗰到做野。
係全香港繼政府之後最大的公司，當然有好多唔同部門呀，除咗沙田同跑馬地最主要兩個地點，還有其他會所。

我當時只係其中一間會所嗰到返工。

因工作包括製作宣傳單張，所以成日要同印刷部同事電話聯絡。印刷部的這位男同事係好出名的(!)  係電話入面帶有磁性的聲線，很有禮貌，很温柔，完全就是暖男的型格。又很親切的除了工作以外乜都可以傾得兩咀架。。。

年多之後，有一次，終於比我揾到藉口去印刷部走一轉。

只可以說，那次之後就將印刷工作交給新同事了。
哈哈哈哈。