搣脚皮 <沒有>恐怖相片，歡迎收看 (後加結果)

近排香港熱爆嘅搣脚皮足膜，睇到我都好想玩吓。

我的脚皮一向好勁，一到夏天就成日手痕去搣，可以講話從來係"脚無完膚" 的龜裂紋勁，的乾硬死皮仲勁，成日刮穿絲襪，然後夜晚就成日刮的'被'

以前係香港，都仲可以返深圳去按摩，揾師父批死皮，不過都係一至兩星期之前又走番晒出嚟。
後期唔想再返深圳，發覺係香港都越嚟越難揾批死皮師父，唔係間間有，仲要得一個，一定要約先做到。

後嚟係呢邊出現呢個玩具。

好明顯係用沙紙同你隻脚做磨沙。
第一次磨真係磨成個鐘都未磨完，不過真係好好用。
唔痛，又磨得平，之前的龜裂紋都無咁勁，係感覺的皮開始厚又乾就去磨吓。

通常磨皮嗰晚沖涼後就會查的潤膚膏，咁耐以嚟效果好好。

但係都比搣脚皮足膜吸引咗。
你細個有無玩過查膠水係手？
我有呀！！！
就係成隻手查滿膠水然後等佢乾，跟住就玩剝皮囉！！！

我就係比搣皮呢樣嘢吸引咗呀，諗住叫 friend 寄比盒嚟玩吓啦，點知尋日去行 shoppers drug mart (即係好似萬 0 同屈人寺 嗰類，有藥房，有化妝品加少少日常用品) 

行行吓比我揾到呢樣嘢

Exfoliating!!!!  又係made in korea 架！！！

係背面都話係做完 foot mask 之後3-5日

會開始剝皮架。。。

仲要CAD$8/兩包

抵到爛呀

香港的足膜係hkd$128/一盒

睇番佢嘅成份，係好多好多嘅果酸提取物，好似係香港做果酸facial換膚咁嘅原理，

仲好香薄荷味。

我依家係好興奮期待3-5日開始我就有得玩搣皮。

============

後記：今日七月十四日

無記錯係8號嗰日玩呢個 mask 嘅

等咗咁多日我以為無料到架喇

點知今日掃地，掃極轉頭又有咁多碎片嘅

坐低就發現真係開始剝皮喇！！！

Yeah!! 

==============

後後記：今日七月21日

想話呢，如果你隻大脚板，

係好似我咁好多脚紋嘅呢

你要有準備

佢唔會真係好完正咁，

一大塊嘅死皮係幾日之內剥落出嚟

而係好似我依家咁樣，係成個星期後仲有好多脚旁邊或脚面的皮，細細塊細細塊咁樣剥落

所以我呢幾日都仲要長備吸塵機係身旁架。