每次因為出門旅遊，返嚟之後就無咗件事。
哈哈哈。懶精上身之後就好難打發佢走。
之前同肥鬼返咗去 Michigan 探親一星期。
依家除咗我香港的家，又有 Michigan 的家，我地兩個每年回鄉探親，條數都幾襟計，錢銀不在話下，最主要係邊有咁多假嚟❔
好似返香港呢的長途旅行，最好梗係一返就兩三個禮拜啦，唔係就機票錢都蝕埋，未適應jet leg 又要返嚟。
而返去 Michigan 係好似好的咁，但係因為無直航，晨早7點上機，攪吓攪吓都要晏晝兩點先返到去。
回鄉探親又唔同旅行，日日都有好多人想見想約食飯，攪到日日都好忙碌，一返到嚟就成個人散晒。
每次出門旅行前一日，我都習慣將間屋清潔一大餐，返嚟嗰時無咁眼冤麻。
今次有的特別，包租公打電話嚟，話約咗人上嚟換電燈膽❓
的燈膽好地地呀，做乜要换呀�
原來係呢到，有一間機構叫做 efficiency nova scotia 你可以約佢地的職員，佢地會上門同你計算點樣可以慳電，慳資源(同埋慳錢) 其中一樣佢地提供嘅野就係"免費⚠"上門同你換晒全屋所有燈膽做LED燈膽，呢個哥哥仔都非常knowledgeable 同佢傾開，佢就解釋話一般燈膽用23度電，依佢依家換嘅只係9度，大約一年慳$100電費。
換完燈膽，跟住佢又放低一個拖板，係比電視機同影音器材的電制用嘅。
因為平時電視機，係備用狀態並不是真的熄了電制，
淨係換咗呢個拖板一年又可以慳$200電費。
以為免費就係cheap野�
係 made in malaysia 架 not 袓國貨
依家我非常支持不用大陸嘢。
食物就一早實行咗喇，日常用品依家都開始，寧願貴的，
乜野國家都好就係唔買大陸嘢。總要有個開始呀，
最主要係唔鐘意佢地乜都 copycat 人地嘅野然後倒轉告人地。
同個換燈膽哥哥仔傾開，覺得加拿大真係會洗錢係環保問題上面，
唔似其他國家咁樣得個講字，我地仲傾過太陽能發電問題，
佢話佢地機構打算換晒全個省份嘅電燈膽之後就會開始安裝太陽能電板，
咁啱我近期又睇咗一條片，係歐洲某國用回收塑膠嚟舖路！！！
講真依家真係有好多環保嘅技術，係可以做到好多嘅而又可以揾錢嘅，
只係爭在無政府肯去做。
然後我地講吓講吓，就講到好多事係因為 the old generation 唔肯接受新事物，
亦都唔肯退下，係真嘅阻住地球轉！
例如 uber !! 我話佢知香港嘅的士業界人士 (最主要就係的嘅得利益者)
唔肯接受近世代分享資源嘅概念，跟住佢話我知係呢到無 uber 都係同一個原因！
然後我地再講到我包租公。
我地個包租公大約60歲，做地產的，係呢到有好多物業。
呢個哥哥仔今日全日，就係 book 咗換包租公所有物業嘅燈膽，
以佢所知包租公最少有10個物業，好多係海邊的，
我地兩個不其然都係到諗，以現今嘅後生仔嚟講，可以講話係無可能做到，
然後呢班已經上晒岸嘅人仲要係到指手畫腳，令分享資源增加難度。
所以我地總結就係世代循環真係好緊要，唔等到呢一代人嘅退下，
上面講嘅分享資源嘅事都無乜可能實行。
有人話，世界從來就係年輕人唔聽大人嘅話先至發展到今日，
我好希望現今嘅年輕人能夠擊破呢個障礙，
更加希望我自己老來不要成為其中一個障礙就好了。
No comments:
Post a Comment