因為個雀仔餵食器係阿肥鬼係臨返工之前裝的，所以佢就咁將個袋雀仔糧放咗係門口出面地下，我跟住又唔記得拎番袋雀仔糧入屋，第二朝早，就發現袋雀仔糧俾野咬開咗，的雀仔糧散咗一的出嚟。。。從香港來的我，以為係老鼠嘅所作所為，跟住就咁搵個膠袋出去入起袋雀仔糧。。。
通常係朝早，我都會打開晒的門同窗簾，等的陽光照入屋度，就係個朝，我發覺突然間有一隻好細隻嘅物體高速走過個門口，咁我就更加相信我嘅推測。。。
之後我地就出咗街，夜晚返嚟個陣又唔記得咗收糠。。。第二朝，就是一個更大的破洞！！！的雀仔糧就散到一地都係。。。執都執唔番，唯有掃出去空地諗住等的雀仔嚟食。。。
第二日，雀仔就未見，但我屋企兩隻貓，就不停咁碌大對眼望住個門口，係咁望咗成日。。。先頭我都無留意，但佢地有時望望吓，就會高速跑去屋後面，咁我未又睇吓佢地攪乜鬼。。。。
之後我就發現咗呢個物體 －＞ chipmunk (花栗鼠)
經過我多日觀察，我終於發覺兩隻傻貓，因為望住隻chipmunk太興奮，所以，一見到隻chipmunk有舉動，就會衝前去捉隻chipmunk，但佢地唔記得咗面前係一度玻璃門！！！就"彭"一聲撞咗埋去。。。
之後佢地學精咗，無再撞門，但就以為自己係屋外面，可以追到隻chipmunk，所以隻chipmunk一向後逃走，佢地又會即刻追向屋後，繞一個圈行返嚟又繼續望過。。。
你睇吓，瘦妹真係好聚精匯神咁望住佢個目標架。。。
係咁望成日都得架喎。。。
你睇吓，當隻chipmunk一有什麼舉動，瘦妹佢就會即刻進入一級介備狀態！！
近鏡。真係有的"螳螂捕蟬，黃雀在後"嘅感覺！！
佢地兩隻野都對隻chipmunk好有興趣架，但隻肥仔就無乜耐性，睇一陣唔見有動靜，就會走番去瞓覺。。。哈哈
報告未完，待續。。。
No comments:
Post a Comment