貓與細路

貓與細路，佢地嘅共通點係乜呢？

我發覺 － 就係佢地唔稀罕你買幾鬼貴嘅玩具比佢，佢地其實淨係想你同佢玩。。。

我以前係香港，都有養貓的朋友，佢地成日話的貓好鍾意玩繩 －＞

之但係，我見阿肥鬼掛係週圍的繩，佢地都唔係成日玩嘅。。。

佢地又話的貓好鍾意玩紙箱啦。。。
咁我又用紙皮整個箱比佢地玩啦，佢地竟然就係咁行埋去嗅嗅，跟住就行開咗喇。。。。
最終，
我都係要拿住的繩同佢地玩，佢地一聽到聲，就已經飛奔過嚟喇。。。

玩到我都無氣喇，我就會咁樣將的繩放係佢地背瘠。。。咁佢地就會周圍跑。。。高速自轉。。。嘗試整番條繩落嚟，係超級攪笑嘅項目

如果個日，我有同佢地玩（仲要玩得夠耐）呢，係夜晚，佢地就會好乖咁瞓覺，平時無同佢地玩呢，佢地就唔會係我地夜晚入房瞓之後，不停抓我地度門。。。我諗係因為玩到佢地都無晒氣。。。哈哈

有時，如果佢覺得未玩夠，佢地會咬住條繩，追住我或者跟實我週圍走。。。

或者企係我旁邊望住我喵喵叫，或者係用個頭不停撞我隻手。。。。 叫我同佢玩。。。