呢張咁詩情畫意嘅相，我係一見到的時候，都冇惗有冇禮貌的問題了，就二話不說，問Carol可否送給我
(Carol係阿肥鬼佬的媽媽．．．仲要只係第二次見佢．．．
嘻嘻)我打算，攞呢張相係今年Christmas做greeting card送俾朋友．．．唔講你地都唔知，呢度係Carol嘅後花園，係幾年前，Detroit嘅冬天有一個大風雪，係一晚之間落咗幾呎雪，所以Carol即刻拎相機影底呢個景
有人會覺得呢幅相俾人感覺好蒼涼，但我一啲都唔覺，我覺得真係好靚，就正如，有皇帝企鵝係我身邊俾我取暖，大家一路飲咖啡
睇雪景
，咁咪最溫暖囉
Carol間屋，唔單止後花園個景好靚，係個廳個度，個sofa都係對住一塊落地大玻璃窗，係個度望出去個景，都係好鬼靚，就好似一幅活生生的、會變的畫咁樣，我去Carol屋企嗰日，下午2點食完lunch去到坐，咁啱開始變得大風，睇住出面個景象，一路由大風開始，漸漸有一點點白色的好似塵咁樣嘅雪，到越來越大雪，睇住個地下(青草地)變吓變吓淺綠色，再變吓變吓白白地，再變吓變吓白晒，然後越嚟越厚，只係兩個鐘，就好似由一幅“春天”換上了一幅“冬天”咁樣。
號 外 話說，有一天，我同阿鬼佬講話，如果第日我地搬屋，我要住Carol嗰邊，或者要間好似Carol間屋咁嘅屋，因為我真係好鬼鍾意Carol個間色調(米色)同燈光都好warm、無樓上、無地壚嘅屋(啱晒我，因為我怕行上行落，而且鬼佬間屋因為一個人住而且懶打掃，所以好多野都係黑色，污漕都唔覺喎，仲要係兩層，我覺得實在係太大．．．)
跟住，你都唔知佢點答我．．．
佢話“OK，間屋第日都係我地架啦?!?!”
我：“吓，點解吖？？”
佢就話：“佢第日死咗咪我地嘅囉！！！！”
佢講嘅時候，其實係冇任何negative meaning的，好自然，但我惗，呢啲就係中人同西人嘅分別．．．．
No comments:
Post a Comment