－ "肥仔" 同 "瘦妹"。。。而我現在時常觀察牠們的動靜，發現了一樣有趣的東西，就是，負責看門口的，竟然是女士，即係瘦妹
。每日係我開咗大門之後，佢就會定咗形咁樣，坐咗係門口度把關，一刻都唔會鬆懈
，比起以前銀行門口的阿差先生梗勁，因為瘦妹係絕少"中"眼瞓的，就算佢好鬼好鬼眼瞓，佢都係就咁瞓係門口張地毯個度，一聽到有乜風吹草動，就直刻成隻彈起。。。有時出面大風的，吹到沙沙聲，的樹葉週圍飛，咁你就會見到佢睇到定晒神，不停兩頭擰，睇到實一實，個的樹葉係個地下度吹到週圍郁，佢個兩隻耳仔又會樹起咗，好似探射燈咁樣，不停左右兩邊掃射，就好似係度探測週圍嘅聲音。。。
"
有時的人話貓唔似狗，係好高竇的！！
但瘦妹係好唔同架！每天早上，我同肥鬼起身後開房門，第一個衝入嚟嘅，就係佢！！我諗佢應該直頭係每早到咁上下時候，就係房外面等，因為試過幾次我地鬧鐘响咗仲係度賴床，咁聽到鬧鐘响同我地的講野嘅聲音，佢就係出面喵喵叫。
有時就係一開門，就見到佢一支箭咁跑樓梯上嚟，但係又會跟住我行番落嚟，佢好似直頭係記住咗我起身之後嘅程序咁樣：1）行落樓，2）打開近後園的兩隻窗，3）行去廳個邊，先打開近火爐個邊嘅窗，4）之後再行去打開近電視嘅個隻窗，5）最後先去打開大門，跟住先去梳洗再去煮早餐。。。 成個次序，佢好似背熟咗一樣，會係你旁邊一齊行去，有時直頭企咗係個度等你。。。
我試過實驗一下，就係做一兩個程序，然後企响度，佢又會企啱係度，再望實你，跟住我扮開步行，佢就會走去下一個point
有時我特登唔打開度門，佢一係就企係門後面等我， 一係就係廚房企係我隔嚟，等到我開門為止。。。。我覺得佢真係好神奇
相反，我家的肥仔，絕對係一隻懒貓，佢隨時隨地都可以瞓著，如果週圍有乜野聲音，佢會抬頭係咁依望一吓，唔洗幾秒，雙眼半開半合的，又瞓過了。。。
而且，佢為貓膽小的不得了，遇到外敵入侵（有客人到訪），人地未落車，只係車聲入咗門外的小路，佢就已經走頭了。。。
最攪笑的那次，就係我屋企人過嚟個日，佢可能未見過咁多人，直頭驚到週圍撲，最後以"倒樹葱"的方式撲咗入去洗衣機旁的空隙。。。
＝＝＝＝＝
小時候，每年暑假同聖誕都有例行公事 － 就係回鄉探親。
那時，每次回鄉，都給我一個獨有而深刻的印象，就是好像永遠只見女士們工作幹活，而男士永遠都係在家門外／村口／空地圍坐著煲煙。。。
係唔係佢地都有貓的特性呢？？
No comments:
Post a Comment