朋友們都知道, 我在動物比賽公司工作, 眨吓眼已經夠十年了
(2007年8月5日便是第11年的第1日了... 我入職的那年，剛好是香港政府推出強積金的前一年，所以，我可以話，係行公積金制度最後一年入職的
死剩種
．．) 除了頭4年，我係會所嗰邊工作的時間，時常面對不夠人手之外，係2001年嚟咗“人樹部”之後，每年暑假, 我都非常頭痛
，皆因我的team每年的同一時間，都要遇到同一問題，今年都唔例外，個問題就係“人手過剩”．．．咁講好似好過份，但又係事實，點解呢？
皆因我公司，除咗係全港交稅最多的公司之外，仲要係每年都有最多實習生的公司，點解啲學生會咁擁躍走嚟呢，並唔係
因為我地公司夠＂叻＂，而係我地公司夠＂濫＂，又夠＂豪＂，一啲都唔怕"晒"錢．．．此其一．．其次，最主要係，我地呢度有個非常非常之交遊廣闊嘅千年女皇阿姐，每年拜託佢搵暑期工嘅人，不下數十個，仲有，幫啲姨媽姑姐啲仔仔女女搵暑期工嘅人，又不下數十個，更何況我阿姐，簡直係永無托手爭到一個高峰地步，照顧到無微不致，就連啲姨媽姑姐啲仔仔女女嘅同學都照顧埋
．．．所以啲人嚟得就一串魚蛋咁嚟法所以，我地呢度試過高峰時期有成18-23個暑期工+實習生+兼職係度
，再加番我地條team本身都有成8個人，坐埋食飯閒閒地都兩三圍．．．我成日同啲同學講，人多唔係問題，最緊要唔好係嗰啲讀死書嘅人
，但好可惜，只係得其中一兩年嘅某幾個OK，其餘的多是唔醒目的人，點樣唔醒？？踢一踢，郁一郁都不在話下，無野做唔識自己搵野做都算，又唔識柄埋自己，唔好冇野做都咁揚，仲要叫佢做野掛住傾講．．．呢啲都只係冰山一角．．今年仲大鑊，左右夾擊，先嚟個三劍俠，同其他大學或大專生唔同，佢地只係中七的，仲要俾我發現佢地只係某大老闆的秘書的兒仔加佢兩個同學，仲要懶到出汁．．．全天後淨係掛住傾偈
仲要係好揚咁不停係我地個好open嘅office講手提 
然後又嚟兩個某某經理嘅仔女，唔識廣東話嘅
(但睇均我條team都冇人同佢地溝通到嘅)，所以我阿哥"好"濶佬咁
話俾佢地幫我手做野，惡夢
至此正式開始，皆因我嘗試俾啲簡單料佢地做，點知千年女皇阿姐第二朝就走嚟話"喂！個啲太悶，太淺，要俾啲有意思啲嘅野過佢地做"
我想話，我已經夠晒忙啦．．．仲要惗野俾佢地做，太深又唔得，太淺又唔得，佢地又唔係有心機做，乜都唔識，brief佢地嘅時候就係度鐘眼瞓....
好彩，呢個惡夢，只係每年一次．．．唔係嘅話，真係命都短幾年．．．．
No comments:
Post a Comment