事原係“易拎”早前同佢嘅朋友行完山，將所有相貼係佢個blog度，我見到啲相，覺得啲景真係好鬼好鬼靚，就同佢講話帶埋我再去過．．．咁係雙請不如偶遇嘅情形之下，就決定了在剛過去的星期日去登山（實情係大家都知我在港的時日無多了，便打鐵嚫熱即約即去）
行程由中午開始，係荃灣搭地鐵去到筲箕灣，出咗地鐵之後，梗係醫吓肚先啦：就食筲箕灣最出名嘅魚旦米啦，但食完之後，我同肥爹嘅感覺都係“名氣作祟、不外如是”都係魚旦粉一碗咁囉，但就排咗差不多成45分鐘．．．
（你睇吓我肥爹每次去行山都帶佢個支私家行山竹．．．佢話大有來頭架，跟住就係巴士站等巴士嘅時候，給我們四個queens上了寶貴的一課 - “行山仗的製造與篩選”）
排隊食魚旦粉嘅時候呢，我梗係週圍行，視察環境．．．
好似呢啲，係民居隔離就有廟咁樣，都應該係香港先會有
（唔知係咪越嚟越接近離開的時候，我現在時常好喜愛影街景．．．）
食完魚旦粉出嚟，看見這樣好的天色，就知道今日會是愉快的一天。
攪乜鬼今年咁多人結婚，我呢幾日，日日都見到結婚花車，遠至筲箕灣都見到．．．
等巴士的時候，看見這樣的青山與藍天白雲，忍不住要再影多兩張，
可惜，技術有限．．．
係筲箕灣地鐵站外的巴士站搭9號巴士，出發。
＝＝待續＝＝
No comments:
Post a Comment