，都會希望爸爸媽媽，會突然間癡咗線咁，成紮氦氣球買起佢俾自己
．．．又或者，再大一點的時候，每個少女
，或者都會發夢，希望自己會有一個，好似晚九朝五入面的儍的男朋友咁，會買一大束氦氣球嚟放咗佢，氹自己
開心．．．但發夢還發夢
，我惗就算係而家世界上最有錢嘅人，都會寧願攞啲錢去抽新股，都唔會咁做...所以嗰日係動物比賽公司攪event時，見到呢一大束氦氣球，我真係兩眼發青光
兼非常非常開心
我以前都講過，動物比賽公司係一間好闊佬嘅公司，究竟點闊法呢
？？？我想話，呢紮咁大紮嘅氦氣球，係要成２千幾3千蚊
，嗰日，個event要12:30hrs開始，而呢紮咁大紮嘅氦氣球，就要成12:20hrs先到步及攪點整好，呢紮咁大紮嘅氦氣球，作用只係裝飾一下那個，據阿大姐comment話個天花比較"吉"的entrance room... 
（就係呢個比較吉嘅天花，你地仲可以見到仲有好多未拿下來）
而因為係 in-house lunch event，所以啲同事，全部都係最後一分鐘先嚟到，仲要係用九秒九嘅速度衝入去會場，我真係好懷疑，究竟嗰日有冇人
留意到呢啲咁靚嘅氦氣球
？？？？而呢紮氦氣球嘅生命嘅意義，就只係服務咗呢，短短嘅唔夠15分鐘
．．
在event完結時，我地一班同事，一番好心
，二嚟又好鍾意啲氣球，又唔想浪費，雖然好難攞番屋企，都惗住係全部都拿下來，拎番去office度擺吓當decor都好吖
(嗰日仲要係星期五！！！擺兩日到星期一返嚟都漏晒氣啦！！！)正當我地好比心機咁係office週圍綁嘅時候，我地大佬，就比人叫咗去照肺
．．．惡耗隨之而來
．．．呢紮咁大紮嘅氦氣球，眨吓眼，就到咗生命嘅盡頭喇
！！！原因係阿大姐話有人feedback話好驚啲氣球爆喎．？．？．？
咁我地兩個女生，就要拖住呢紮咁大紮嘅氦氣球，走去後樓梯，全部人手"吉"爆晒佢．．．而我就成為呢紮咁大紮嘅氦氣球嘅兇手
只係趕得到同佢地影張相做紀念．．．．．
No comments:
Post a Comment