真係十個頂呀！！！！
好日唔休息放假。
好日唔晨咁早起咗身。
好日唔屎忽痕的起心肝做大形家務 － 洗窗。
一洗完，又嚟橫風橫雨。真係欲哭無淚呀！！！
唔係第一次架喇，次次都係咁，唔通個天係到暗示我以後唔好洗窗？？？
雖然未至於好似香港咁危險（洗窗變跳樓）但都係大工程架。。。
要逐隻窗拆落嚟洗完兩面玻璃再裝番上去，全屋16隻窗，少的力水都唔掂呀。
咁做乜今日會咁屎忽痕？？？
＝＝＝＝＝＝＝
工作的地方有一個同事J（已經無做喇）佢係有六個天真無邪的小朋友的媽媽。
而她是在家homeschool六名小朋友的。
有一天，她在教其中兩個較小的孩子，說到現在在很多的大城市，都有很多的高樓大廈，
為了不同的原因，越來越多的大廈都採用了玻璃外牆，的雀仔因為光線折射到玻璃面，只睇到風景的倒影，而睇唔到座玻璃大廈，所以都一一撼頭埋牆死了。
其中一個兒子立刻正面的興奮地回應：啊！所以媽咪你咁耐都唔洗的窗係原來係為咗的雀仔呀！
＝＝＝＝＝＝＝
今日屎忽痕去洗窗唔係為咗殺雀仔，不過都差唔多，因為每次洗完窗，個塊玻璃清到好似透明無玻璃咁樣，真係好有滿足感，而塊玻璃咁清，最好就係影雀仔。
之前我家門口的screen door係全塊玻璃的。夏天個陣，我最鍾意洗到佢”立立令”咁，然後打開門等的陽光可以照入屋。如果有郵差拿包果來門口的話就會因為”立立令”玻璃倒影而做到”佢睇我唔到”嘅效果，佢地要行得好近咁樣窺看一下有無人，我就會突然間彈出嚟開門。哈哈哈。
今日好在手快，係落大雨之前，比我影到佢地：
呢隻唔知名，不過佢好型，頭頂有一的頭髮好似gel起咗咁樣。
呢隻叫cardinal係男的，每次都係一男一女一對對咁樣嚟食野架。男的（紅色）每次都先到，停係樹上面睇水，之後女的（綠色紅咀）先會過嚟食野。
係呢張我影得唔夠快，佢地食下又kiss一下然後又食一陣野先走。。。
係中間個雀餅就吸引到呢隻啄木鳥：
最後就係我近來常常見到的，呢隻黑雀，肥鬼話佢個名就係叫做red wing black bird，影佢真係難，因為佢個特徵就係佢展開對翼個陣，左右兩邊有橙色的印，但佢企定食野個陣，係會收埋咗個印，只係睇到少少白色（側面）
所以要影佢就要等佢嚟，等佢企定，等佢展翼。。。最後所以，有呢一張：
係右邊黑紅色個隻就係佢，佢飛緊個時真係好型呀。。。
同red wing bird一齊嚟嘅就係呢隻藍頭雀。。。
有野齊齊食
No comments:
Post a Comment