祝大家 新春大吉 心想事成 萬事如意 身體健康！！！
眨吓眼嚟咗呢邊十幾年了，唔似啱啱過英國嘅香港人，我已經無乜特別懷念蘿蔔糕年糕等等賀年食物，早幾年都仲有花功夫自己整蘿蔔糕，然後發覺得我自己一個食 (肥鬼唔啱口味) 整整吓就連蘿蔔糕都懶整。
反而係每個農曆新年都會買新鮮花插吓。
我上星期就較啱日子買咗橙色配紫呢束，(呢邊超市鮮花部門有啲係星期一返貨，有啲係星期四返貨) 因為無去過呢間買，想要確定吓佢啲花會開吖
經過成星期仲開得好靚，合格！！！
所以星期四再去買束大的，紫色黃色一向係我最鍾意嘅鮮花配色，仲搭咗兩小束snap dragon (金魚草) 好靚呀！！！
祝大家 花開富貴！！！
No comments:
Post a Comment