服務式住宅，由相連嘅酒店營運，我叫佢做格仔酒店 (checker hotel) 因為佢外觀就係一大塊圍棋板咁樣呀。
不過呢，你就唔好係呢邊望風景喇！試過洗完衫晾衫嗰時，見到對面的先生著住 under 打大赤肋企係窗口煲煙，哈哈哈！
剛嚟到嗰陣，早上430起身已經一天都光晒，到夜晚成10點先至黑齊。
到6月21日 summer solstice 嗰日就成11點都仲未黑晒。
6/22 1044pm
嚟咗兩個月，經過幾輪努力，好多短線的旅遊都去過了，市中心依家對我嚟講，已經可以話係瞭如指掌，就係無手機地圖都唔會蕩失路咁囉！
呢兩個月無懶惰，日日都週圍去，原因好簡單，就係日日都好天氣呀，(原定計劃係60日就返歸，所以覺得要快快手去均咁多到地方！)
原先以為好天氣係好彩？後嚟先知原來今年係愛爾蘭40幾年來的另一次乾旱 (對上一次咁耐無落雨係1976年)
irishtimes / heatwave-nostalgia-ireland-s-sizzling-summer-of-1976
經過了成兩個幾月"同陽光玩遊戲"今日終於落出雨了。
肥鬼媽同佢表妹好好彩，7月3-13日的旅程，得最後去機場嗰朝開始落雨絲，今日就係真正的愛爾蘭纏綿細雨。。。
都好，我帶嚟把遮同件乾濕褸終於可以派得上用場。。。
>>>>>>>>>>
攪笑的題外話。
上面連結的新聞講40年前的旱災，除了講吓風扇大賣的情況，仲會研究一吓：太熱的天氣之下人們還有'性'趣嗎？
亞洲的道德衛士很多，唔會係新聞講呢樣嘢，但係想深一層，"性"其實係現實不過嘅事，越唔講就代表唔會諗唔會做？就好似 big6 咁口口聲聲道德規範，然後個個高官包二奶三奶另加大眾情婦。。。
前幾日同肥鬼同事講開旱災，就講到美國有一年東部大停電，停咗好幾日，有人做過研究，就係嗰幾日為美國製造咗一個小型嬰兒潮。
如果再認真的諗諗，依家好多地方都人口老化，係咪整多幾個大停電會有幫助呢？
No comments:
Post a Comment