那天到肥鬼媽處晚飯。唔知講開的乜，講講下又講到家族史裏去。
肥鬼媽因為係大女，而且又係獨身（家裏最多空間也有最多空閒時間），
用來整理家族留下的東西最好不過，所以家族留下的東西都交給她，再分發出去。
他們家族留下的東西，什麼都有：碗碗碟碟啦，
來自1800年的廚櫃啦（應該是肥鬼媽的祖母或曾祖母留下的），
某祖父親手製的衣帽櫃（dresser），
現在我們睡房用著，名付其實的made in USA，好實淨的。
還有聖誕裝飾等等，最多的還是相及文件，
唔好講笑，連祖父母由歐洲過來的入境證件都有。
每次我都好有興趣去逐樣逐件看看同聽佢講解。
今次，佢話有個大發現。
原來，係肥鬼出世的一百年前同一日，
係肥鬼的Great Great Grand Father出世的日子，是叫曾曾祖父吧？
有相你睇，下面（左二）呢個型男，就係肥鬼個阿公個阿爸個阿爸。
佢係1878年8月28日出世架。其實無一百年啦（差三年）但都夠晒巧妙了。
型男名叫John Wardell Jr
而型男個仔呢，都型架，叫Leonard Wardell，係肥鬼嘅Great-Grand Father（曾祖父）
下面呢張成個機師咁款嘅就係佢喇。
我地研究咗好耐，究竟攪乜佢著成咁，呢張相應該係1910年的，
但佢好似無做過機師喎，究竟係做邊行要著成咁呢？
個日搵到好多相之餘，仲發現了好多肥鬼外祖母留下的廚具，係Made in Japan架。
好似下面呢個批芝士的工具，肥鬼媽仲用緊。
呢個芝士批應該係1910年或1920年代的，以前的人食芝士係成樽咁買番屋企，
要煮食時就切或批出嚟。
仲有呢套鹽／胡椒樽（中間應該係糖）
背面寫明係Made in Occupied Japan，即係約1941-1945年出產。
我係網上搵過有關資料，下面呢個網頁有很詳盡的講解不同年代日本的陶器，
會有不同的印，而且大多最好品質的，都係不會出國外的。
不用問了，我都查過，這一套只值US$5。哈哈。
但意義大過價值很多很多。
No comments:
Post a Comment