鬼節

今日要來講講我的工作。
是上年九月入職的，剛好一年有多了。
入職不久遇到的第一個節日便是這邊的鬼節。

做零售行業，忙，是早有心理準備的了。
但，看不過眼的是 ：

1）是不是每一包你們都要拆開來試過才安落？
講的不是普通的服裝，普通的服裝一人試七十件都已經見慣不怪了。

講緊的只是著一次的幾小時的鬼節服裝，因為這邊的懶人都要一套過配襯好的，所以全部都是一包包的（入面有齊了帽，配飾，等等）
很多的這些鬼節服裝都是一個碼的(free size)點解仲係死都要試呢？
你知唔知呢的一包包的打開咗係好難整番入個袋架？
仲有好多絲襪講咗係無得試你都等無人時走去試，的絲襪試過的話係不能變番原形的，做人有點公得心可以嗎？
見到唔係新的或比人開過的，你又唔會買，咁你想點呀？

現在每日在這裏上班，就想起小時侯同阿媽去行街，阿媽話得最多的都是：唔係買就唔好攪人的野，攪攪陣無幫襯！
家教真的很重要。

2）你們真的這樣開放嗎？

有相你睇。十多歲著成咁樣OK嗎？

在我們的服裝部，正常的是BB部 (infant) 由 0 mth - 5T，然後係男孩／女孩，由S 4/5 - XL 14/16，
然後就已經係男士／女士，不過係女士部都有一部份junior即係年輕的女仔嘅 （teenage girl).
但係在鬼節服裝部，在男孩／女孩之後，就係男士／女士了。


而很多，我係話很多，都係十多歲嘅女仔係度試呢的衫。
基本上我自己未見過成年女士來買costume去派對。



唔知道佢地的父母知唔知佢地著成咁樣，但我見過有阿媽同個女嚟買，個女試咗走出嚟個阿媽仲話好睇，仲問我地幾個同事的意見。

我想話，究竟係佢地著成咁樣引人犯罪？？？定係呢邊真係太多罪犯？？？