以往的香味

尋日講緊一支就嚟用完嘅香水，今日回顧一吓以前用過的。

人生第一支甜味的香水

都唔鬼記得，係曾經係八掛雜誌睇過，定還是喺一啲勁無聊嘅記錄片中睇到，話有一個心理學家嘅研究發現，每個人都對某一特定氣味有著非一般好感🙄🙄

佢個測試，係揾50個男人 + 50個女人，係蒙眼後，要佢地去聞吓異性的體味（聞個胳肋底🫣🫣），測試結果好正常係有人覺得有的胳肋底好臭，更加正常的結果就係有人覺得有的胳肋底好香（！！😆😆）

呢的junk science嘅結果係點大家唔需要太認真，總知佢大慨意思就係指人類，係會用嗅覺去揾有好感的人做朋友，同埋，如果您覺得你男女朋友嘅體味係’香’嘅，咁恭喜您！你‘命中注定’嘅嗰一位好有可能就係呢個喇👌

講完一輪無關痛癢的，其實我係想講，我對某的香味特别有好感（係咪人人都係咁嘅呢？😅😅），所以，用嚟用去都都係嗰幾款，佢地啲香味仲要好似嘅。。。

係Red Jeans之後，嘗試成熟一點的甜

嗰時由待應生轉去office，所以用呢兩支

然後有一日，係合唱團朋友仔身上，

聞到另一個甜味，就係粉紅盒呢支

之後就開始對甜味有的悶，就轉咗呢支很清的。

就係呢支，佢清淡嘅程度，就係半日唔夠就無味了。

所以成日就係徘徊喺甜味與清淡冲間，

然後又想要持久的香味。。。

之後由清淡型轉去花香味

呢支係喺香港最後用的一支，已經係細size的，

之後帶埋嚟美國，頭幾年根本唔多出街，

同埋肥鬼對香味有啲敏感，所以係好幾年先用完。

之後幾年，都無咗查香水嘅習慣。

因為呢邊啲止汗劑實在太多香味喇（化學香味），就算後嚟轉啲天然物質嘅止汗劑，但佢地啲薰衣草味或雲呢嗱味都係好勁‘香’嘅，同埋嗰時我只係做超級市場摺衫的員工，有冷氣又唔辛勞，慢慢就將香水呢樣嘢拋之腦後，直到係加拿大見番嗰支Red Jeans

點解依家又有幾支香水等住出場呢？

又係花香味😂😂

再嚟都係花香味😅😅

因為呢個夏天，會同肥鬼一齊去哥爾乎球場做兼職，我會去小食部賣熱狗飲品小食，唔想一身油煙味（要煎熱狗整漢堡飽），我啲香水又大派用場喇。

最後仲有兩支珍藏，

係上次（2023）返香港買嘅白蘭花香同茶花香，

返工唔用架，係我掛住香港嗰時噴比自己聞吓嘅❤️

香味

 

出身工作之後，第一次買的香水，就是這一支❤️。

鍾意佢有啲甜味，不嗆喉，last得比較耐，但係要好耐先用完一支（貪心，買咗一樽大的🤣）用到最後係周屋噴，當空氣清新劑咁樣用，又想撬開佢😅，想佢好似香薰咁樣蒸發快啲😝。

所以之後變得開始花心🫣，想可以成日轉香味，就變咗買試用装的size，尋尋覓覓我最愛的香味，就將呢一個香味遺忘了。

直到幾年前住係加拿大嗰時，有日行藥房，又見番呢支香水，記憶反晒嚟。

其實我大個之後，係轉咗用清淡的花香味系列，不過花香味通常不持久，就係噴嗰一刻聞到一陣，未到目的地都聞唔到喇。

有無人同我一樣，噴香水係比自己聞架😆😆嗰時第一份工，做待應生，好怕自己身上有一浸厨房味再行埋客人身旁落單，這個香水的味道剛剛好，強度比花香濃郁一啲但又不致於嗆鼻。

見到係特價$20一支細的，用咗都有5年，現在終於到尾尾幾滴。影番張相留念🥰

仍然花心的我，已經有幾支香水排隊等住出場🤣🤩