五年了。
2020年3月18日，當時我們住在加拿大。
就係呢日“卡斯特羅的兒子”宣佈［註一］，為了壓低疫情曲線，要封城14日。世界從始不一樣了。
這五年你是怎樣過的？
你是否被‘恐懼’嚇到了，正在趕去排隊預約打針，乜都唔理，只期望好快一切回復正常？
或是你同我一樣，由第一個14日開始，就已經嗅到‘唔對路’呢？
=========
“If we let government to break the law in an emergency, they will create endless emergency so they can break the law” - ［如果你讓政府在緊急狀態時犯法，政府會不斷製造緊急狀態，以方便佢去犯法（如濫權）］
==========
這個荒廢樂園 blog，點解荒廢咁耐？
呢一篇blog，都要等五年後的今日［等個話題無再咁敏感］先出（仲要係諗咗好耐），咪就係因為我這樣的想法，在過去五年不斷被曲解，被嘲諷譏笑，無人信，嗤之以鼻，呢啲都算，最惨係我根本無意同人爭辯，只說事情可能不是這樣簡單的，善意提出盡可能睇定啲先再行下一步，都會被看成‘陰謀論者’，右翼極端主義，自私，不理别人死活，不合作，不服從，殺人犯（？）。
在3月18日的14日之後，又話要15日去拖慢疫情擴散。
然後就係不停的14日無限輪迴。直到永遠。
對於我呢個嚟自共產腥港嘅人，最明顯有問題嘅地方係嗰時加拿大國內省與省之間，開始設有關卡檢查站（？！），荷槍實彈的檢查證件，美其名為了你的健康，你的安全，然後人口流動自由完全沒了，同鐵幕國家毫無分别。
要明白“荷槍實彈的關卡”，本來係墨西哥黑幫控制嘅地方先有㗎！呢到係西方民煮國家喎，依家無分别啦！都唔洗講政治（變咗社會主義）黨派（一黨獨大，因為兩次都係自由黨+新民煮黨合力㩒低保守派），嗰刻我完全肯定呢到已經徹底變了chinada (更加唔洗講中共係呢到嘅滲透啦 - 華為太子女喺到渡假！）
另一個唔對路的地方，就係聽到全世界都‘一模一樣’咁封城（！）係美國加拿大，除咗超級大城市以外，其餘90%係好細好細好細的小鎮，地方大，極少人，揸車5分鐘都未遇到鄰居；呢邊的人多數屋企有地盧車房兩部雪櫃，一兩星期先買餸一次係等閒，很多超市24小時營業，你怕多人，咪等半夜無乜人嗰時先去囉，根本唔洗用到城市封城的程度。
仲有政府反智的指引，將小型超市强逼關閉，淨係批準兩間大型超市可以開門（收咗回水？）仲要限時營業，逼你啲人同時去逼爆超市（傳染病喎？）
仲仲有，你以為服從了就天下太平回復日常？嗰時我地住嗰邊，同埋隔離兩個細省一共三個省，係零個案零死亡好耐架，你以為魷魚遊戲咁易放過你？就算所有藉口都無哂佢都繼續封，靠的就是不停簽緊急狀態呀。
總之，唔對路（red flag）嘅嘢多到好似天上繁星，你睇唔到我都無辦法。
所以，這五年我變得沉默。
我沒有良好的口才，沒有冷靜的頭腦，沒有高超辯論技術，只可以白白看著身邊有朋友盲目跟從的去打，然後身體有事，然後西醫又話無辦法（因為佢地係同一伙的，從來唔會想出呢個連繫）
我也有看這裹的blog友，大家也致力於回復日常，去旅行，返工出街飲茶食飯，出街要打針，好正常呀，為健康吖嘛；入餐廳要護照，好正常呀，安全吖嘛。
我開始覺得我就嚟痴線，發覺人人都唔係我的想法，好似淨係得我一個咁樣諗，懷疑係我自己有問題！
直到一日，我去一個露天農夫攤檔買菜，夏天，好熱，四野無人，得農夫自己，戴住口罩，後來見到一位女士同農夫解釋，係户外唔使戴口罩架（當時政府話露天室外不用戴的）但係，農夫已經被恐懼掩蓋了佢腦袋。
而我在女士離開時同佢搭咀傾吓，我直接話佢知，遇上佢等同救我一命，原來佢就係一樣突破矩陣的人！！
之後我地時常一齊出嚟散步傾偈，之後係散步時又識多一個人，佢話比我地知，我地嗰區有好多同道中人，係signal有個group，我地都join咗，就係呢個羣組，大家分享‘無打針無得返工’，‘無戴口罩去超市奇遇記’，‘小朋友無打針唔比打波’，‘究竟呢個世界發生緊乜事呢’。
我就係靠住呢位朋友呢個group，知道自己唔係痴線的，咁樣過呢5年。
=======
我自己係2000年時期搬來這邊的。
之後返香港探親，遇上反國教，魚旦革命，我開姶發現我同朋友之間的睇發大不同。
我成日諗，我的思想係幾時變架？
如果一路無離開香港，我哋嘅思想會唔會一樣？
我會唔會都係嗰啲“唔好阻我返工”的人？
======
然後早幾日同一個仲傾到偈嘅朋友講電話，佢突然問我，點解成日要咁致力話佢知出面世界發生緊乜嘢事？
係囉，點解呢？
下次講。
［註一］
信不信由你系列。
自己去揾資料睇吓，呢個理論的可能性。
你要知道，呢個理論的相關資訊，早幾年係網上喺河蟹咗屏閉咗嘅，即係早幾年你打呢的相關字去搜尋，頭20頁都唔會出到呢的料。依家，頭4個就已經係好有趣嘅答案。點解咁嘅呢？點解要屏閉？佢真係卡斯特羅個仔又點？
