中年突破 20240425

前陣子有一篇論話係加拿大住嗰時，因為做咗全職師奶好得閒，走去學整櫈。

其實仲有第二樣。

細個係一般的小康家庭長大，衣食無憂，但又唔係大富大貴，屋企4個化骨龍，得阿爸一個揸小巴養我地，所以無話學專門的樂器。

直到嚟咗美國，第一年都無做嘢，買咗個小鍵盤話學架，到揾到嘢做又將佢放埋一邊封塵。

然後嚟到係加拿大，有日見到舊朋友，話學咗幾堂就彈到兩頁紙，激發咗“我都要做到”，然後又真係比我揾到老師，近到我可以行路去佢屋企上堂，咁就由2018年學到2022年，依家嘅我都可以自己睇譜彈到幾頁紙嘅曲目。

我比自己中年突破又一項目合格🤣

新朋友 20240424

 隔鄰嚟咗嗰新朋友。

今日帶蘋果同紅蘿蔔去打個招呼。

呢個就係新朋友，仲未熟，有零食都唔肯行近。

呢個傢Molly

呢個係gidget

Gidget

Molly

第一次嚟探朋友，帶咗的自家種青瓜比佢，

佢即刻吐出嚟仲要踩來兩腳！！笑死我！

三個一齊行近，但係白色嗰隻仲未係好熟落，

要買多的零食再嚟。

夜來客 20250423

前一輪夜晚 possum 晚晚定時出嚟開飯，呢幾晚多咗個賊仔出現。

好抵死，搶晒possum的晚餐，我要𥄫實或嚇走佢。

今晚嚇走佢之後，沖涼出嚟見到佢帶理兄弟一齊出嚟揾食。兩雙肥嘢。

機緣 20250417

世上好多事情，回想番，發覺神係一路比緊好多訊息指引比我地，只怪世人五光十色娛樂太多，靈性思想越嚟越少，一啲都接收唔到。

話說2018年暑假，肥鬼份工派佢去愛爾蘭工作三個月，我梗係“二仔底” 死跟啦！

同事幫我地揾到住嘅地方，好正嘅酒店，有長租有短租，街尾就係fb嘅總部，對面係大劇院。落樓下行吓，個街名叫 Misery Hill （悲惨山）好特别一個名，嗰時仲一齊留影過（依家過哂入電腦）

呢個係酒店正門條街，我地短租的房係後街，叫Lazer Lane

嗰時我好繁忙每日去旅遊，每座建築物咁樣深度遊每，去市中心導賞團，直到快要走的最後一星期，去咗比較遠地方食飯，就搭的士返酒店，上車講咗要去邊，司機就問我地，知唔知條街點解叫Lazer Lane???

😍😍正呀，有故仔聽。

係中世紀時代（約1200年）嗰時愛爾蘭有麻瘋病傳染，麻瘋係不治之症，麻瘋病人（lepers）受到的歧視有幾嚴重，你依家經歷過假武肺大流行就明晒啦？

嗰時嘅愛爾蘭，係 Lazer Lane 呢到有間麻瘋病“醫院”，要括住“醫院”，因為佢正確嚟講只係中轉站。嗰時因為麻瘋病係不治之症又會傳染人，所以將啲（低下層/窮的）病人送晒嚟呢到（港口），係要將佢地趕上船，送去西班牙嘅西北面一個地方（等死/自生自滅/保死你事）（咁熟口面嘅？方倉的friend嚟喎，隔離營始祖），因為呢間“醫院”係服務低下階層嘅，同埋醫麻瘋都係有入無出，（洗鬼咁好服待佢）所以衛生環境好。好。好。差！所以又叫 Misery Hill (不過嗰時係中世紀，跟本就未有衛生概念呀？）

2018年轉眼過咗，我咁啱因為阿公的喪事，要在2019年頭返香港成個月，差唔多可以講話前腳踏出，後面嗰香港就反轉了。2019年嘅夏天，對我嚟講喺好虛幻的，明明係上個月我仲係嗰條街行過，依家你話我知係同一個位出催淚彈？？？

到2019年12月，就已經有病係大陸出嚟嘅新聞，嗰時都未想起麻瘋街的啓示，係去到加拿大都封咗一輪啦，我為咗透吓氣，清晨五點落街行路散步，整幢大廈未有人起身，我有口罩架，不過無蓋鼻（因為會眼鏡反霧睇唔到路）係嗰個空無一人的地庫停車場，物業管理阿姐唔知係邊到殺出嚟，指住我嚟鬧，有人病有人死全是我的錯。。。。

我真係成日都會諗，究竟係一啲乜嘢嘅機緣，我地分地遇上了/無遇到，導致之後我地嘅睇法會分別咁大。

之後我成日諗番起麻瘋街的故事，我覺得係神給我們的提示，不要害怕（人人都有死的一日），不要歧視别人（無論佢做或不做一些事，你無權管别人做什麼，你只有權決定自己點做）。就是這麽簡單，人類仍然做唔到，為咗一個傷風感冒害怕到打一支無用的毒針，世界大亂了幾年。

由始至終，我覺得最惨嘅喺呢段期間有親人逝世的，要在冷冷的螢幕前說再見😭😭😭我有朋友，父母都在這期間逝世，不是因為遠在他方趕不來，也不是意外去了見不到，就是近在咫尺的唔。俾。入。去。

人死咗還有第二次說再見的機會嗎？

遲啲疫情玩完再來過啊？

呢個世界官僚的冷漠無理，今次還不夠極端的示範給你看嗎？仍不足夠叫醒你？或是因為每人都是這第制度入面一粒小螺絲，每人都只是對自己嗰一小部份負責（其他唔關我事，你揾負責人啦）每個人都覺得肯定自己係做緊“對”的事（自己可以上天堂就ok），其他人就公事公辦

嗰時我住喺加拿大，我嗰省人口九十幾萬差唔多一百萬，在我住的小鎮，係walmxxt係有得打毒針，我係買餸期間，親眼見到有人打完瞓低白車抬走，但係後面條隊啲人堅定不移繼續排。你去食嘢見到隔離嗰食完即嘔你都唔會走？

肥鬼係機場返工，制度話要方便你的人打毒針上機出發去旅行（唔打唔比出街！），係出面架設帳篷流動毒針車，有日我車肥鬼返工，就見到出面草地又瞓低一個抬緊上白車。

一百萬人的省我都見到兩單，你真係一啲嘢都睇唔到？

封的第一年，我仍然可以同肥鬼返嚟探親，明明係機場要你地隔開 6ft 排隊，但上到機仍然將我地塞晒去機尾？？大半架飛機係吉嘅，佢可以叫我他一行坐一個都仲有大把位淨，No。我地係膊頭貼膊頭咁樣坐滿最後五行！

獨自一人汒汒大海中玩直立板，滴岸巡衛隊成隊人去拉9咗佢。

你打嗰支都係透明如水的 e-mail

我返嚟之後與舊同事飯聚，佢識嘅一個30人大家庭，一年內12人生癌。

只可以講，佛渡有緣人。希望你有緣睇到呢篇廢話，會有啓思，網上有好多排毒嘅方法架。

190 Proof 的朋友(20250416)

 

這個是2025年4月12日的 Pink Moon

有一次同朋友仔講電話，佢話人生去到半百的年紀，可以随時講個幾鐘電話而雞啄唔斷的朋友越來越少。

突然間我用好感性嘅語氣同佢講，老朋友就係純釀呀！由細個識落一大班朋友，長大之後每一個人生轉折位就蒸餾走一大堆人，得番幾滴精華嘅朋友可以過渡去到最後。

（突如其來的感性嚇到佢爆笑！！）

細個嗰時唔識嘢，成日聽到九江雙蒸，好簡單以為佢係蒸餾兩次！點知唔啱，係“蒸”過的米去發酵，再“蒸餾”一次，咁為之雙蒸。一般九江雙蒸係29.5%酒精度，茅台係53度，高樑有低的38度到中的58度到高的66度。

整燒酒嘅方法呢，大概就係將的米去蒸，之後加曲（酒餅）等佢發酵（ferment）產生酒精，跟住嘅程序就係睇唔同牌子嘅酒同酒廠，有的二釀二蒸，有的三酿三蒸，即係將加洒餅＞發酵＞蒸餾呢個程序做兩次定三次咁樣。

而係美國呢邊，啲“硬嘢”(hard liquor) 係講幾多ABV（alcohol by volume) 嘅，95%ABV就係代表酒精純度為190 proof 。190係最高的proof，係等如純乙醇，要做到190proof係要蒸餾3-7次（真係同飲酒精無乜分别啦！）一般的vodka係35-40度gin酒係35-60度

依家係美國，有一支叫 Everclear 嘅烈酒，有60度，75.5度，94.5度同95度。你以為佢已經係最高，點知原來有一支波蘭嘅vodka係做到96度ABV ( 192 proof)!!!

而上面支Everclear講到明可以當埋家用消毒清潔劑😁😁

呢到其實係三張相🤣不是同一張貼三次🤣

不過係影同一個月亮啫🤣🤣🤣

你來？我來？ 20250411

呢的相，係我2023年10月返香港嗰時嘅。

話咁快年半就過去了。

近來很多去了海外的香港人，都返香港旅行。

係FB同YT見到不停洗版食雲吞麵、食南記、食譚仔、食牛腩麵、食壽司、去飲茶食食食食食。

我有印象睇番早年返香港旅行啲YT片（或再早期的yahoo blog)，仲會有好多爆買嘅情形，因為係外國生活過，一返香港（因著滙率對算）就覺得乜嘢都平咗好多，買日常家品喇，買零食啦；又有因為外國無 fashion （？）要買時裝衫褲鞋襪，總之就係買買買買買。

但係依家連香港物價都貴了，就好似得番食嘢同埋食嘢。

=====

錯重點的題外話（1）。我係點樣感覺物價貴咗呢？

係美國，曾經US$100係會有一大架手推車裝滿嘅超市食用品；依家，半架細嘅手推車就可以唔見成舊水。

而係香港，曾幾何時我去櫃員機㩒錢，係每次幾百蚊咁㩒嘅，幾張紅衫魚打散做廿蚊紙咁樣洗。然後，有一次返去（2009年？），係一次㩒幾張500出嚟洗；再對上嗰次，係㩒一大疊500蚊紙，然後chur一聲咁就無咗喇，都唔知洗咗去邊，又唔見買咗的乜嘢。

最有印象係同阿媽去荃灣街市買餸，因為我返咗嚟就買多啲啲，叫做有多幾樣餸夾吓咁樣，有啲海鮮有啲斬料，咁就兩張金牛！都無幾袋餸，全部輕飄飄的！

我明明記得細個住屋邨7樓，過時過節，我同細佬要落樓幫阿媽手拎啲餸上去，講緊係好L重好多袋，拎到死死吓，都只係洗咗幾張紅衫魚🙄🙄🙄

=======

去番正題。

其實我今日主旨都唔係要討論返香港做啲乜！對於我嚟講，返嚟目的只有一個就係陪吓阿爸阿媽同見其他親人朋友。

我反而想講嘅係，喺嗰的 YT 片同 FB post 嘅 comment 入面，好多都係“多啲返嚟呀”，“快啲再返嚟啦” 很多很多呢啲comment😮‍💨😮‍💨😮‍💨😮‍💨

先頭，我以為淨係得我自己有呢個感覺，所以我收埋係心入面。

直到我喺加拿大住嗰幾年，會同肥鬼同事啲太太們聯誼，其中一個係澳洲來的，當時佢地有3個8歲以下小朋友。

有次小聚佢話要一拖三返澳洲探親🙄🙄🙄，由加拿大飛澳洲連轉機隨時要成30至40個鐘，仲要機票又一大筆錢，我地聽到都覺得辛苦，跟信佢就指住我，話我應該最明白佢嘅狀況，😞😞😞😞就係啲人永遠只會叫你多啲返嚟啦！而唔會諗其實佢地都可以過嚟啫？！

登！登！登！登！登！💡💡💡💡💡

我嗰刻真係同呢位K太太腦電波連接上了。

原來唔係淨係得我咁諗架！

我自己來美國的早年，大概係隔年返去嘅。

利申：呢篇唔係投訴，只係有感而發。

特別係我嘅屋企人，在我同肥鬼結婚時全部都飛過來了，這一點，我係非常感恩的❤️

嗰時我自己都有份兼職做吓，所以你問我，自己一張機票係咪好貴，又好似唔係嘅。但結咗婚，旅行探親大都倆個一齊架啦，仲有住宿交通呢？加埋晒又唔係平架喎！

仲有就係唔通次次旅行都係去香港？我要探親同旅遊中間攞個平行，所以都試過幾次［一星期香港+一星期亞洲國家］。

因為我同肥鬼無小朋友，所以大家朋友都覺得“奉旨”係我地返嚟？？就算成日同佢地講話可以嚟我地屋企住，都係永遠無人嚟架。

以為係一家有大有細嘅唔方便咁遠啦！但係的無細路嘅，什或係單身嘅都唔嚟架喎！

然後以為佢地覺得太遠？定係唔想講英文？

但係近年我見的朋友都會去澳洲、意大利，但仍然無人嚟呢度！！

依家多咗香港人係外地，會唔會多啲人有這樣的感覺？或者係過多幾年你地先會明。

點解話呢篇唔係投訴，因為我已經過咗嗰個階段，你唔嚟就算喇，可能朋友的緣份到此為止。依家我同肥鬼都好少出門，幾年下來，我地對旅遊的熱情燃燒盡了。機票是越來越貴，個座位只係越來越逼，行李越來越細，航班時間越來越長（無晒的直航 要你兜圈）唔見行李，無數取消延遲，為乜？

就係去買？去食？去睇世界上某地方的一個風景？

為咗睇嗰一個風景嘅代價就是上述咁多的勞累，算喇，唔睇亦唔覺得自己錯失咗的乜嘢！

唔係話永遠唔返香港，亦唔係永遠唔旅行，随緣啦，或者突然間會對世界某地方有興趣，排除萬難也要去呢！

====

又題外話（2）

上面呢張相，相信所有搭過飛機嘅人都影過同親眼見過。

咁你係信地平的？還是地圓的？

我自己對呢個問題是 no comment 的。

也無從 comment 呀！我不是科學家，對理科知識零慨念。就算我有很多很多知識，呢條問題仍然會係，窮一生也不會揾到肯定答案的。

我只能告訴你，用我自己的直覺和眼見的（如上圖），我“覺得”是地平的。可能我咁樣講都會招來很多人話我痴線？？

我很配服嗰的“真”科學家，不停去揾證據支持自己嘅理倫；我唔支持的，是強逼别人相信佢嘅理論的人。

人類係好奇怪的動物。每件事都要有個答案，心入面藏著少少懸疑就會好似蟻咬咁不自在，死都要硬塞一個答案入去（專家話咁就咁囉），跟住case close。

其實到依家，我地同1500年或1600年無乜分別呀，就係無一個人可以比到100%肯定嘅答案呀。佢極其量只可以話，根據佢揾到的資料“覺得”地球係圓/平的。

好多好多一般大眾反駁話地球是圓的，第一句就係“攪錯呀，你無睇過太空人影地球嘅相咩”？？

我想話，你又無做咗太空人飛上去親眼睇過，你都只係信“嗰個機構”的“專家”講嘅嘢；但係，同時間所有搭過飛機嘅人，見到嘅都係上面張相，但的人仍然唔信自己雙眼見到的，“選擇”相信專家答案。

你唔覺得呢點好奇怪嗎？

Be curious, my friend.

Be open minded to each and every possibility.

有啲嘢，係真係窮我地一生都唔會有答案架。

我寧願無答案，都唔要錯的答案。