Christmas wreath

上年搬嚟嗰時，因為知道會由獨立屋 (single family detached house)  搬去 condo 住，所以將我的聖誕野都比晒人。

然後係上年季尾，買番棵小小的聖誕樹。

我唔鐘意棵樹掛滿晒裝飾，我鐘意就咁樣清清的，著咗燈就即刻覺得間屋好温暖。

係假的。因為我唔忍心斬咗棵樹擺係屋企幾個禮拜就掉咗佢，但係，我好鐘意松樹嘅香味。

所以，我見到個新鮮松枝葉造的花圈就即刻決定買了。

再去隔離一蚊店買咗大約10蚊嘅裝飾，

返嚟即刻整咗呢個花圈，真係好香，

我自己就覺得好靚，你呢？

紅色的大門襯托更靚。

回到中世紀的一天

揾舊相嘅同時，揾到呢堆舊野。

2008 年 8月29日星期五

當年啱啱過嚟美國的第一個暑假，肥鬼媽特登帶我去玩一日，去邊到玩。。。

Michigan Renaissance Festival
www.michrenfest.com

就係好似時光旅遊回到去中世紀嘅時候咁樣，的人著嘅衫，住嘅屋，生活係點嘅，做的乜野手作嘅都係呢個幾十英畝嘅"村莊"入面睇到。

呢張係佢地 website 嘅相，去到先知入面的人真係個個都咁著係到行嚟行去，有好多當然係員工，但係都有好多人鐘意 角色扮演咁樣入嚟玩，仲會嚟好多次添。

呢張都係 website 嗰到揾嘅

其實 Renaissance Festival 就係好似一個盛裝派對咁樣，不過呢個派對係年年都舉行個幾兩個月嘅，每日都有不同嘅節目，又有市集，又有野食，其實都幾玩，好多野睇。
但係因為係戶外，又係正夏天舉行，真係熱到爆，我都好配服的人著晒 costume 咁樣嚟。
當年我啱啱嚟無耐，對呢邊的物價仲係唔適應，特別係去呢的手作市集，全部都係 handcraft 價錢(即刻貴) 加上又熱，嗰日行咗一兩個鐘就走lu
依家再去會 appreciate 多的

以前喺 clarkston 嗰邊，

依家係 holly 已經十幾年了

我自己好鐘意呢的舊建築物

當然唔少得朱古力"廠"

其中一個織布嘅手工藝檔攤

遊人 / 員工 ??? 

當日的表演就係兩位戰士

騎馬比武長槍

比武公正人

行完一大輪

今日最吸引我的

係呢個

我隻手咁長嘅火雞脾

超好味

係 website 睇到好多人入去都係為咗隻脾架！

陳年舊 屎

揾到的超舊嘅野，
依家睇番覺得自己好低能。

買野鐘意留起單據嘅我，主要唔係睇洗咗幾錢，而係有日睇番自己嗰時買的野覺得好攪笑。

當年結婚，因為係香港同呢邊都同親友食咗一大餐，再加上黑仔嘅我地，咁啱結婚無耐嗰 septic field 玩完，要重新做過，超大工程，講完價都洗咗成USD$5000

所以我地無去渡蜜月呀，由美國香港來來回回的飛機河咪就係渡蜜月囉。

係直至 2008 年 10 月，同埋肥鬼細佬兩公婆一齊揸車 road trip 去睇呢瓜拉瓜大瀑布先至叫做係渡蜜月。
(嗰時邊諗到有日會係呢到住？)

Anyway,  呢張單據就提醒我咁大個女第一次 road trip 買咗乜嘢紀念品。

係 2008 年 10 月 5 號 嘅呢一日，我見番梘真係好平，買咗10 舊 番梘給自己做紀念品，真係低能。

嗰時第一次 road trip 唔洗理行李幾重，擔石仔都得呀，所以用當年加幣 1.99 嘅價錢買咗 10 舊番梘，自己睇見的番梘都覺得好攪笑，真係變咗做師奶之後嘅轉變自己都估唔到。

有鬼

Ok.  今日一Fact : 唔係淨係華人先至迷信架。
係我地仲未搬嚟呢到之前，的同事一知道我地會搬嚟呢到就個個走嚟話我知呢到好猛架。。。

我夠知啦。
日日都見鬼添，鬼婆鬼佬週圍都係喇。

跟住我就問吓點解個個都咁講喇。
原來同呢件事有關。

今年搬嚟呢到，唔單止撞正加拿大150年

(好好運因為佢150週年，所有國家公園都免費入去，所以兩邊的屋企人嚟旅遊都免費去睇咗好多風景名勝) 

今年仲要係呢個大爆炸100週年

就係呢次意外大爆炸死了好多人，

所以流轉了好多鬼故出嚟。

我係咁啱上星期去 downtown 行開見到呢本書，

想知道究竟當年件事係點樣發生嘅，都仲未睇，

仲有一個月到 12/5 等我研究一下先。

水壺

其實係網上睇到人地個製成品
就試吓自己織
終於成功

依家要諗諗織個杯套

的熱水凍得太快喇。

Beaver Moon

Beaver moon 係 harvest moon 之後又一次月圓。

仲要係今年第二次 supermoon 有14%光亮度

Beaver moon

Full-moon-november-2017-shines-overnight

2017/11/3

係 fb 睇到話有 beaver moon 嗰日 (11/3)  無留心睇日期，夜晚見到光到咁以為就係啦。

2017/11/4

點知到 11/4 晚仲勁，你睇水面就知，真係光好多，我地係屋入面熄晒燈都好光猛。

慨嘆

前幾日，無端端 search 到呢套戲嚟睇：

1985年 青春差館

入面所有青春的差人，全部都係現正步入中年嘅藝人。

好奇嘅係梅艷芳竟然同梁朝偉係同一時候，被介定為青春偶像，

被選角作為此套戲之一員。

然後去搜尋一下，梅艷芳同梁朝偉只係一歲之差。

梅艷芳 (1963-2003) 

梁朝偉 (1962)

有的人，就係比到人大姐大哥嘅感覺，好明顯梅艷芳就係一個好例子。

係佢呢個 case 當然同佢嘅背景有不可分割嘅關係，

但係都有一的人係性格上鍾意做照顧別人嘅角色而造就出呢種感覺。

更驚嚇嘅係一再搜尋梅艷芳嘅時候，發現佢去世時，只係得40歲！！！！

現在剛剛40歲的我，特別感歎。

我知道佢去世時係絕對可以形容為"英年早逝"嗰隻，

但係因為佢不嬲比人大姐大嘅印象，

同埋佢因為細細個就要出嚟揾食所以個樣好老成，

所以係我印象中我係知道佢係去世得早嘅，但係如果你就咁問我的話，

我以為佢死時已經係四十幾到 50 嗰隻。

係到現在番查資料先知佢去世時，只得40歲。

又揾到呢段片

梅艷芳 最後的演唱會獨白

很感歎的不單是佢去世得早 !!! 

其實，生死有命，無乜話早唔早，意外唔意外，學生時期死又係早，

小朋友時期死又係早，BB 夭折又係早，意外死，病死，橫死掂死，

死去就係死去，就算係事先張揚話你知佢要去死的，仍是會令人悲傷呀。

感歎是一生信佛的她也不能參透情緣呢一回事。

到臨別時最後一番說話就是感歎自己人生，幾次遇上緣份嚟到門口都錯過了。

在影片中佢話生活咗咁耐，依家佢有乜野呀，

然後有歌迷吶喊"你有我地"，

然後就係梅艷芳的一絲苦笑，再同自己講，"我有你地"。

曾經有一個說法係佢患上子宮頸癌，但係執意想要留有生育的機會而不肯做切除手術，

所以錯過了一線生機。

我在想，如果佢做了手術，生存下來了，可能依家已經揾到嗰愛佢嘅人都唔定。

佢死時 (2003年)  我只係27歲，就嚟 30 但仲係覺得 40 離我好遠

(所以跟本無留心佢嗰時只係40歲) 

依家睇番，40歲仲有好多好多日子呀，曾經可以比喻為亞洲麥當娜嘅佢，

肯定可以繼續紅多30年。

現在睇晒成個 big picture 我想成件事同佢沒有家庭温暖好有關係。

所以佢咁渴望自己有個家。

我成日都係到諗，我如果無遇到肥鬼，無嚟呢邊，我喺香港嘅生活會係點？

人的一生匆匆，為何執意要看自己沒有的？

能夠令自己一個人嘅時候都可以生活得開心，先至係尋求伴侶的首要條件。

Conman

嚟咗呢邊之後，因一套劇，學識一個名： Conman/ con man / con artist

套劇係叫 White Collar (2009-2014)
White Collar imdb

內容係講一個對油畫古董好有認識嘅人，佢做嘅職業就係用"偷呃拐騙"嘅方法將人地手中名貴嘅嘢奪取過嚟，後嚟 FBI 捉到佢，佢就被迫要幫 FBI 捉其他同行的騙子。

(題外：white collar 白領，  blue collar 藍領，就係以前形容的人做邊一類嘅工作。著西裝白恤衫返 office 嗰的咪就係白領囉。而技工類例如汽車維修，工廠技工著嘅係藍色恤衫所以叫藍領。)

有無諗過點解騙子會叫 conman 呢？

william-thompson-original-conman

原來係 1849年，係紐約街頭，有個西裝骨骨嘅人會同街上行過嘅人兜搭，傾一大輪之後，最後就會問你"對我有無信心借隻表比我用一日我聽日還番比你？" 當然借咗隻表比佢之後第二日佢就去如黄鶴，成件事有十幾個人上當。直至有一日，一名曾經上當的人係街上又遇到佢，咁啱有警察係附近，追咗一大輪終於追到"塔"佢返差館。

當時嘅 New York Herald 一名記者，當日新聞就寫 "The Confidence-man 終於落網" 就係咁樣，依家我地先會叫騙子做 con man