記憶 20251113

你覺唔覺，有時有一段記憶深深印在你腦海，但一同經歷的人係會完全無印象。。。

呢間舖頭對於其他人，可以只係無關痛癢的一間老舖。

荃灣海壩街116號地舖新發祥鞋店。

係我記憶入面，有這樣一段情景。

時間應該係小學五年級或六年級嗰時，就快農歷新年的時候，那天中午至旁晚時段，阿媽正開始忙碌整餐晚飯（仲有好多新年要準備的食物），就同我地講，見我同細佬著緊嗰對鞋開始頂指喇，又就快新年，咁就叫咗阿爸帶我同細佬，出去買對新鞋過新年。

場景跟住就係嚟咗呢度。

嗰時我地住葵涌新區，可能係搭巴士落荃灣，不過更大機會係行路落嚟，我仲有印象以前嗰玻璃櫃係無咁滿嘅，仲會分唔同嘅款式咁去展示，右手邊男裝鞋，左邊女裝鞋，中間係細路，入面有的運動鞋咁樣。

但係你都睇到，呢間好明顯係老實型舖頭，即係款式唔會多，更加唔會有色彩繽紛好潮好型嘅鞋，只有好務實沉穩嘅款式。

最主要係，我地係同阿爸落嚟嘅，“阿爸係男人”，係從來都無興趣無耐性行街睇嘢嘅，說時遲那時快，我就試緊對鞋（都唔記得係我揀嘅？定阿爸揀？）

印象中係好悶的黑白的converse咁款嘅，就係鞋身好長的。

好似呢對咁上下？？

嗰時呢，我人仔細細，但係隻腳就已經好大，係同身高不成比例的腳掌好長，著呢個款嘅鞋就令我雙腳掌睇落再長多幾個碼咁樣。。。

但係，記憶中，我就係拎住呢對鞋返屋企！

跟住就係返到屋企，阿媽就問點呀，買成點？我無出聲行去阿媽到，佢望到我個樣，就係一泡眼淚但又唔敢喊唔敢出聲。。。

記憶好似係阿媽同我落去換過第二對嘅，但係我對後面換咗乜係無印象嘅，最清淅嘅就係前面呢段，阿爸係我未揀到就比錢打道回府，然後我懷住滿胸委屈好想喊的感覺咁樣返屋企。

呢個係咪叫做我嘅童年陰影？？

依家諗番係覺得好好笑嘅，但係又會諗，點解呢段情節會留低咁深印象？？咁唔鍾意呢對鞋？但係跟住換咗乜係無晒印象喎。

========

我幾次返香港，都會落去行呢條街，再睇吓呢個舖，我諗應該係自置物業，所以可營運到依家。🥰

牛肉乾20251112

 我地食嘅牛肉乾，係咁樣嘅。。。

佢地嘅呢，係咁樣嘅。。。

係呢邊，揾嚟揾去，都揾唔到“我地”鍾意嘅jerky

直到我見到呢個comment

同埋呢句slogan

佢地要嘅，唔係我地嗰啲牛肉乾，佢哋要貨真價實，一塊塊肉切片煙薰到成條柴咁比佢“趙”

其實佢地“趙”的beef jerky，就等如我地飲啤酒，“趙”鹵水鵝頸鵝頭或台灣鴨舌

都係一個零食，都係要嚟“趙”的，好有咬口嘅嘢，我諗佢地都唔會明點解我地會食鵝頭頸，都無肉淨係的骨，為嘅咪就係the flavor keep going as long as you chew 一路趙一路有味。。。

買 20251111

我無呀。

但係呢個不停鼓勵消費嘅社會，今日不停“廣告疲勞轟炸”，就係個email account都會一日多百幾個廣告email....

然後我見到呢個廣告

不是新鮮事了。

只是不知從幾時開始 Lab grown都咁貴？

其實都講到明係實驗室整出嚟嘅，咁咪即係假囉，咁你不如直接買$5 CZ石好過啦？？

我都唔明，依家差唔多‘後’物質主義年代，仲有人買呢的？依家個社會兩極化，一係勁有錢（咪買真嘢）一係勁無錢，咁仲會花咁多錢買粒“扮”真嘢？？

============

除咗珠寶廣告，就係呢的。。。

我想講話呢，我唔係聖人，都仲有購物慾。

但係日夜見到呢的九成九呃錢嘅網頁，多謝晒，幫我慳好多錢，真係乜慾都消除了。

你有無發覺，佢地一係有的串法好奇怪嘅名，或者通常第一句就話‘經過咗xx年嘅經營，我地依家要goodbye喇’，仲有就係的超級AI圖。。。

=========

就算個廣告好勁呃到我入去望吓，依家的衫嘅材料，真係好似食物label咁樣，就係一大串普通人唔會識嘅嘢。

依家拿上手最多就係recycle polyester，簡單嚟講就仔“膠”。。。

點解唔可以係簡單的cotton呢？但係cotton又要睇唔可以新彊棉，所以，又係慳錢。

=========

睇咗下面呢個case，有時，都好懷念以前曾經可以係網上隨意購物的日子，唔洗左防右防，然後有時覺得活在呢個世代很累。。。

客仔 20251110

 昨天的雪，攪到我乜都唔想做（藉口）

係屋企望天打掛，後園出現呢個無聊路過的。

Blue jay嗰藍色係雪景做襯托真係好靚。

真的，在家“看”雪景飲熱朱古力，是最浪漫的🤣🤣🤣

雪 20251109

 

一點點嗰啲就係雪呀！

現在才剛剛開始，唔知聽朝會點呢！

希望唔好白濛濛一片啦，聽日仲要出街有嘢攪，落大雪的日子淨係想喱喺屋企睇浪漫的雪景！

裝飾 20251107

呢邊的人，好鍾意裝飾（decoration, decor) 即係喺間屋入面，嗰廳幅牆會有掛畫，sofa上面會有cushion又會有docorative pillow，入門之後嗰走廊，會有張枱只係擺咗嗰花樽係度，可以係呢三樣嘢襯哂色嘅，可以係全部都是‘花’做主題嘅，仲有其他好多座枱座地的装飾物，更什的就是書櫃入面都擺滿装飾。

係呢邊咁多年，都去過好多屋，有啲装飾真係會提升咗間屋嘅氣派（更顯出屋主嘅品味），但更多的係。。。

變咗儲物狂。

======

我呢個小鎮，依家日日都有estate sale（遺產拍賣）（原因你明喇？人人都相信2020年那‘安全又有效’的毒針，依家日日都有人drop dead）

什麼是estate sale （遺產拍賣／家俱賣物會）？

就是一個家庭入面兩個自住的老人家去世，子女就要處理淨下的東西，自己想要的攞走之後，揾公司來父母的屋企，然後將所有嘢都陳例出嚟，標上價錢，再係綱上宣傳日子（通常是週四至週日四天）賣晒所有嘢。

我見綱上只釋做遺產拍賣，但實情是我見到好多case係兩老失去了自理能力，（有病／退化），都需要downsize(搬細屋）或去養老院，而一般子女的世代，都沒有咁大地方收留父母一生累積的物件（都唔啱taste啦）就攪賣物會賣晒佢囉。

呢間屋係今日睇到嘅。

旅行手信

呢張枱上面，全都是figurine 

我細個嗰時興過嘅牌子叫 Precious Moment

呢張枱上面全都是Young's figurine

一枱都是餐碟，餐俱。

珠寶手飾同裝飾物

屋主應該係好鍾意大笨象？

又係装飾

聖誕装飾

裝飾

咁似柬埔寨手信？

===========

呢個賣物會上星期的週末已攪咗一次，上星期的相仲誇，擺到出出面車房同行車道都擺滿嘢，仲有傢俬電器，嗰啲實用的去得好快，今個星期仲係有好多淨，所以再繼續攪，就係賣呢的“唔等洗”嘢。

佢呢啲賣唔去的，通常就係車去二手店架喇。

我成日行二手店，最多就係成個貨架一系列的裝飾，無用，又過時，後生世代又唔同taste又無位擺，真係一個時代的轉變。

佢哋除咗裝飾，就係一系列嘅餐具。

好似肥鬼媽咁樣，佢嗰代個飯廳，係會有個厨櫃，要嚟展示一整套嘅餐具，包括哂所有前菜碗碟，主菜碗碟，甜品碗碟，茶杯，茶碟，茶壺，糖／奶杯，捧上食物的大碟（如火雞碟）湯碗等等等等不下過百件的，再加一個寶盒咁樣嘅(絨面的盒）去展示銀的刀义食具。

呢的餐具，係以前生好多仔女嘅年代，一個阿媽係會有唔止一套嘅，最靚一套主要用嚟睇嘅（或者有大客到先拎出嚟用）然後有另外幾套日常用，再到老時，就每個女都有一套傳落去比下一代。

依家，我係二手店日日都“新款”上架，好多真的made in bavarian or made in england 仲要多到呢，如果有漏件（打爛咗或唔見咗一兩件）基本上去多幾間二手店就可以配番全套出嚟。

==========

子女有時間，又住得近，上面呢的功夫係可以自巳做晒佢嘅，但係呢邊更多仔女係外州住，無時間，依家estate sale嘅公司好多，幾年前無嘅，到依家係的地區群組都好多，呢間我係電視睇過--＞

呢間嘢都係2008先開始做，佢勁在呢，有真正鑑賞員幫你睇你間屋嘅嘢值幾多錢，咁你嗰啲古蕫吖名畫吖就唔會$1比人買咗都唔知。