2025.11.4
睇咗咁多年紅葉，我最鍾意係黃色的樹葉。
紅色橙色的葉，最終都變成啡色的枯葉，唯獨是黃色的葉，在刮起秋風的日子，會變成閃閃潾光灑落地上，好似一片片金泊飄落嚟，呢個係任何ai video都做唔到嘅效果，仲要係時間限定，在秋風起的一兩日，吹晒的葉落就無喇，睇唔到就下年請早。
===========
咁就11月了。
我的花王生涯本應在10月劃上句號，但係last minute訂的花莖仲未到，攪到我“鳴金收兵”的日子變得遙遙無期。
原來人大咗之後🫣，“眨吓眼”都不足以形容時間流逝之快，好似未眨完就過咗去咁。
今年7月過大海去咗英倫與屋企人聚會，年頭的日子都為嗰三星期準備；返嚟之後就追趕著因旅行三星期而延遲咗嘅花王工作，直到永遠。。。
成個2025年我日日都有寫低做咗的乜嘢，但又好似靈魂出咗竅咁樣唔知自己做過的乜？即係我明明係好在地咁老實的活著，但係個感覺，就係的人講話臨死時，你嘅一生會好似幻燈片咁，係你眼前由頭到尾play一次，我唔冼等死嗰日，依家的日子都係3x 咁play緊囉，然後就踏入今年最後兩個月了。
上個月覺得自巳未夠忙🙄，見特價仲買咗好多冷，喺到織洗碗布，寄番香港比屋企人聖誕禮物。
今日又嚟球場返工，難得好天氣，今個月的更表，全都是stay by更，因為隨時開始落雪就係今季關門大吉之時。
到時就係我冬眠之日喇🤣
