古老當時興 20250925

幾時知道自己開始老了？？

就係你細個嗰時用過嘅嘢，依家又興番。。。

有日係度碌電話，見到個咁嘅ad

爭啲就咁碌過咗，以為自己眼花。

Click入去睇吓，真係古老當時興，同我以前用過嘅一模一樣。

我依家就可以話你知 'hold your hair all day' 係假嘅

也是難聽過粗口 20250902

你以為這樣的字詞淨係出現係中文世界？

今早晨光瀉下的一刻

我嚟咗呢邊十幾年（快廿年了）對呢邊嘅電視電影已經去到極度厭惡的地步。

初來時係乜都睇一餐嘅。

嗰時同香港差唔多，剛剛脱離四台困局（翡翠，明珠，亞視本港台，亞視國際台）出現了有線電視（2009年覆蓋全港95%家庭用户），以前係香港，我就成日睇電影台。

而呢邊同時可以話係 cable tv ( pay tv) 爆炸性發展嘅年代，登記咗做附費電視用户，係節目表嗰頁係會有百幾個電視節目比你揀，當然，入面有啲只係音樂台，購物台，但係其他淨番嗰啲，你個個台入去睇幾分鐘，睇吓佢究竟播緊乜東東，都有排你睇。

有無人記得，最早期呢啲附費電視，第一賣點，就係無。廣。告。（我仲好記得嗰時有個同事想join netflix，兩個價錢，一個有廣告，一個無）

依家呢？就算你附了費，都係仲有廣告的！！呢個係第一個令我越嚟越少睇電視嘅原因。

==========

初時係有好多新鮮感的。

睇吓動物台，睇吓裝修台，睇吓歷史台，睇吓真實案件，到夜晚肥鬼返嚟，睇劇集，睇處境劇。

然後不出5年，發現所有劇都一定有黑人，有印度人，有亞洲人，同時，又一定有離婚／婚外情／同性戀／變性／大量無需要的性愛鏡頭。。。

其實，如果佢地全都演技100分，係無問題嘅，最慘係佢地同時間江郎才盡，寫的劇一擗屎咁樣，個個storyboard都一L樣，你係可以轉台，但隔離都係做埋啲一樣嘅嘢囉！

=========

跟住一段日子轉咗睇科幻片喇，好少少，然後科幻片都無哂橋喇。

淨番就係睇人點樣裝修間屋。

然後就發現了最後引致我依家無再睇電視嗰盲點。

佢呢到的電視節目，全部都有一個formula咁樣去拍嘅（食雞有雞味嘅黄麗梅，都係咁樣做製作人，拍攝然後賣的劇比亞視播）裝修片嘅formula方程式，就係事主講點解要裝修，主持訪問佢地想點攪，帶佢地去一間樣板屋（係佢地想要的設計），拆在間屋的舊裝修（通常就會遇到問題要加碼裝修洗費）主持同屋主詳細介紹新装修的設計，裝修完的樣子。

咁盲點係乜呢？

就係每一集都出現幾十次講間屋要 bright, light and airy 仲有每次講設計都要 elevated 真係聽到好厭。

最誇張係肥鬼轉咗去睇煮食節目，一L樣，碟碟餸，煮乜柒都話要 elevated ...

========

我唔知你有無聽過，一件已經唔再係秘密嘅事，就係電視嘅發明，原因就係用嚟洗腦我地呢的蟻民，tel-a-vision 所以係一定有廣告（你睇咗就會想買）所以佢不停咁塞進步主義嘅元素逼你睇，睇得多就會默默接受，所以佢不停滲呢的字眼，逼你日日都提昇（elevated)....

呢個就係最最後我直接唔再睇電視嘅原因。

難聽過粗口 20250901

難得有日的雲係正常的。

口國語言

依家人人都越嚟越熟悉啦。

咁多年嚟周圍啲人日講夜講，

“打造”乜乜啦。。。

“建構”乜乜染啦。。。

唔鍾意都聽慣哂。

但係下面呢兩個我真係頂唔順。

素質

質素

質素

質素

氛圍

氣氛

氣氛

氣氛

最憎係依家越嚟越多人用，睇乜都用晒呢啲字眼。

眼怨。