Keep my hands busy
2021年3月2日星期二
之前講過，要自己隻手同個電話分家，計劃尚算成功呀！
之前冬天最好嘅辦法就係織野。
之後"發現"自己屋企有呢 set 咁嘅野，即刻攞出嚟攪掂佢。
呢個係曾經好興嘅 paint by number (跟數目填色) 唔知依家仲興唔興？
依家好似改變咗，的人買嗰的蔓陀羅圖畫冊嚟填色。
佢地話蔓陀羅填色有舒緩情緒嘅作用，但係我就睇到頭暈！可能有老花了！哈哈哈！
我呢套填色都係咁上下嘅野，不過係油帆布油畫咁囉。
對於我呢的自細畫畫零分嘅人就啱晒。
其實上面同下面呢兩幅一模一樣嘅畫 (peony牡丹花) ，我真係填咗兩次！點解？
我係一個牡丹控，所以2015年係網上見到呢套填色野就好想買。
嗰陣仲住係美國，唔想買 MIC 嘅野架，但係佢網頁話係美國喎，網頁都係美國，咁就買咗。
到收到時就發現，xyzw~ 佢有臥底係美國的，所以係 MIC 嘅野，不過美國出貨only!!!!
嗰時已經嬲爆，好L憎呢個地方，點解乜都要呃人咁低莊！你講到明係大陸野，我自己揾完一輪，週圍都係大陸貨，死死地氣逼住要買你咁係我自己衰仔呀麻！無野好講！但係你係都要呃人呢樣真係天理不容呀！
加上嗰時仲返緊兼職，所以擺埋一邊"等有一日得閒"玩，之後就發現要搬屋，然後都無見面了。直到依家隻手想同電話分家，終於揾番出嚟啦。
點知
咁依家想攪掂佢一了百了，就諗住訂多一套，咁咪可以油晒兩幅畫囉！
世事無完美！
頂，大陸野即係大陸野，仆佢嗰街，佢地個 number 唔一樣架！！！因為係山寨野，所以就算幅畫係一模一樣。
頂佢，唔同廠嘅山寨，佢將個號碼改晒。第一幅紅色係1 vs. 第二幅綠色係1
仲要衰到將的顏色色調都同你係咁意改變少少！
撞鬼佢我第一幅已經油咗大半架！點收科！
最後我油咗遲嚟先上岸嗰幅先，跟住"憑感覺"完成番第一幅，哈哈哈！
好在油完出嚟，肥鬼話'離遠'睇唔出有咩問題！
