暴風雪實地報道

‘心血來潮’呢野樣有時真係好神奇！

十年唔寫一篇blog，幾日前終於的起心肝寫一篇，又比我開口中“一係唔落雪，一落就整餐金嘅”。

係寫上一篇blog個晚（12月7日），天氣報告就話有snow storm(暴風雪)嚟緊。而個暴風雪，就係依家新聞講緊嘅，今年第一個襲擊美加嘅暴風雪，話做成美國16人死亡。較嚴重的是美國中西部，其中有Illinois(伊利諾州) Iowa(艾瓦州/愛荷華州) Winconsin(威斯康辛州)等等。呢幾個州都係位處Michigan(密歇根州/密西根州)嘅左面，我覺得係我地好好彩，有好多好大嘅湖圍住我地，所以，每次有大型暴風雪襲擊，嚟到我地呢到都會減弱咗。

天氣報告出咗之後第二日（12月8日），果然真係開始落雪，但‘冰封三尺，非一日之寒’，佢相反嘅意思就係個地唔夠凍，係積唔到雪嘅。

個日下晝五點幾個天開始黑齊，係落緊雪不過唔係大雪個隻，仲要係一落地就溶，點知到夜晚12點幾肥鬼返嚟個陣，出面就變成咁鬼樣：





第二朝早有太陽晒加上氣溫又升番的，到我地起身個陣（12月9日），就只係得番呢幾舊屍骸：





仲比肥鬼碌過佢。。。





到咗下晝，我就開始試下我個科學實驗，睇下同一地方積雪速度：

第一張係下晝3:30pm





第二張係兩個鐘之後5:30pm好似分別唔係好大，仲有一陣停咗。就係咁引至我個實驗失敗咗 － 因為我以為佢停咗落雪就無再影，點知。。。





到咗夜晚12點，一睇出面就變成咁鬼樣：



再到12月10日早上就厚到睇唔到木板之間的間隔了。。。





呢張大家直頭可以睇到落緊的雪：










12月10日朝早，已經有好厚好厚雪喇！但肥鬼話呢個只係開始渣。。。










我走去度下究竟有幾厚？





實驗結論就好似你放工同朋友去食飯，6點或7點開始食，慢慢食完再飲下野傾下講下，出番嚟個陣就己經成吋厚，再瞓一覺第二朝就直頭厚過你隻鞋囉！

悄悄的來

肥鬼成日都唔信Global Warming個的野，再加上“住個度厭個度”，佢勁唔鍾意呢度嘅冬天，同埋落雪嘅日子，更加唔好話的雪（真係憎到死！）

上年早係10月頭，的雪就係個天到倒緊落嚟咁，我最記得就係上年Thanksgiving（感恩節）肥鬼要返工，肥鬼老豆嚟車埋我去佢個邊一齊過，係大雪到好似Blizzard（暴風雪）咁樣，而今年？

今日（12月3日）我地出街食飯個陣仲係到偷笑“今年仲未落雪喎，哈哈哈哈哈”！

點知就係夜晚望出窗口，就見到舖咗一片白濛濛。

到咗第二朝：















BTW，我係好信Global Warming的。

好似我呢的來自城市的人（係極度環境污染的城市），其實我都幾鍾意呢度，至少呢度仲有明顯的四季。唔似香港，只得好熱的夏天同唔凍嘅冬天，又無風（屏風樓）又光害（銅鑼灣半夜的光度等如白晝）。

呢到今年的夏天已經唔係好熱（好似無乜幾日真係過90F），冬天都係呢幾日先開始叫做落到30-40F。根本就係行緊全球暖化個條路！

其實肥鬼都咪咁早開心，以為仲未開始落雪或落雪嘅日子短咗，其實有可能一係唔落雪，一落雪就好金個種！

有我呢個城市人係到活生生話佢知，乜野叫做“真的”一年兩季的天氣，佢真係好應該好好活在當下，亨受呢到僅餘的一年四季的天氣。

不謝的花兒

 

呢朵美麗的花兒，是今年年頭二三月我返香港個時，阿豆送給我的情人節禮物。

我放埋係個喼度帶埋返嚟，放入一個玻璃樽內，再放在書架上做裝飾。

早幾日，肥鬼剛放工回來，就在書架前脫外套的時侯，問我：「點解朵花咁耐都未謝嘅？？」

請相信我，他不是在講笑話。

因為，我都以為佢係講笑而沒有理佢，但係佢企咗係到等我答佢，等咗好耐。

有時，真的不知道男人的腦袋都是放些什麼的。